Ձեր վստահելի աղբյուրը

Փաստաբան Վարազդատ Հարությունյանը գրում է.

«Գրեթե ամեն օր լսում ենք (հաճախ նույնիսկ` տեսնում ենք) իրավապահ մարմինների կողմից քաղաքացիների դաժան խոշտանգման դեպքերի մասին:

Նույնիսկ` խոշտանգված քաղաքացիներից մեկը տեսաձայնագրությամբ մանրամաան նկարագրել է, թե ինչպես են իրեն խոշտանգել քննչական կոմիտեում:

Նույնիսկ մի բարձրաստիճան ոստիկանի կողմից անչափահասի ծեծի դեպքի տեսաձայնագրությունը տարածվեց համացանցում:

Այս տարի պատմության մեջ առաջին անգամ տեղի ունեցան փաստաբանների նկատմամբ խոշտանգման դեպքեր: Հայաստանում բռնությունը դարձել է մշակույթ:

Այս ԲՈԼՈՐ դեպքերը մնում են անպատիժ:

Խոշտանգումների դեմ բողոքի գործողությունների շրջանակներում այսօր`ժամը 11:00-18:00-ին, «Պողոսյան պարտեզներ»-ի բացօթյա ամֆիթատրոնի տարածքում (հասցե՝ Բաղրամյան 21, մետրոպոլիտենի «Մարշալ Բաղրամյան» կայարանի հարևանությամբ) իրականացվելու է հանրային կրթական մարաթոն՝ «Խոշտանգումների բացարձակ արգելքն ու փաստաբանությունը» խորագրով, որի ընթացքում դասախոսություններով հանդես կգան ոլորտի մասնագետները»։