Ձեր վստահելի աղբյուրը

Նիկոլ Փաշինյանի կինը՝ Աննա Հակոբյանը ֆեյսբուքյան էջում լուսանկարներ է հրապարակել իրենց ընթրիքից ու գրել. 

«Մեր այսօրվա ընթրիքը պատրաստեցի մեր աճեցրած բանջարեղեններով»։ 

Շատ օգտատերեր հիշեցրել են Փաշինյանի կնոջը՝ Արցախի Հանրապետությունը յոթ ամսից ավելի շրջափակված է թշնամի Ադրբեջանի կողմից, 120  հազար արցախցի, այդ թվում 30 հազար երեխա, թերսնման են ենթարկված, խանութները դատարկ են։ 

«Իսկ Արցախի երեխաները այսօր կքնեն քաղցած. նրանց մայրերը ոչինչ չունեն պատրաստելու իրենց երեխաների համար։ Կարևորը՝ դուք հանկարծ սոված չմնաք»։ 

«Արցախում խանութներն դատարկ են, էսի գովազդ է անում, ոնց էլ չի ամաչում»։

«Տիկին, ձեզանից մի քանի կմ էն կողմ մարդիկ արդեն հացի խնդիր ունեն: Այլ երկրի բնակիչներ չեն, ձեր հայրենակիցներն են: Նենց տպավորություն ա, որ կամ բանից անտեղյակ եք կամ էլ միտումներավոր ծաղրում եք էդ մարդկանց:
Բարի ախորժակ»։

ՀՀԿ ԵԿ ղեկավար Հենրիխ Դանիելյանը ֆեյսբուքյան իր էջում գրում է․ «Երկու տարբեր իրականություն` վարչապետի տիկինը և Արցախում 120.000 մեր հայրենակիցներ, ովքեր շուրջ 7 ամիս է փակի տակ են, ովքեր այսօր կյանքի ու մահվան կռիվ են տալիս:

Սա է նիկոլի և նիկոլիզմի իրական դեմքը, երբ մեր հայրենիքում սով է, երբ հանապազօրյա հացի խնդիր կա և այդ խնդրի հեղինակը դու ես ու քո ընտանիքը:

Դու ակնհայտ ցույց ես տալիս, որ թքած ունես հայ ժողովրդի վրա, թքած ունես, որ Արցախի մեր հայրենակիցները զրկված են ամեն ինչից. սա շարունակությունն է աննա հակոբյանի այն պնդումների, որ հերոսները զոհվել են հանուն ոչնչի, որ 44-օրյա պատերազմի ժամանակ հայկական կողմն ունեցել է 11.000 դասալիք:

Հատկանշական է, որ այդ պնդումը աշխարհում արել են 2 հոգի` ալիևը և աննա հակոբյանը»: