Ձեր վստահելի աղբյուրը

«Հայաստանում իրավապաշատպան չկա, բացի Ավետիք Իշխանյանից»,- ասուլիսում ասաց փաստաբան Տիգրան Աթանեսյանը։

Նրա խոսքով, բոլոր այն իրավապաշտպանները, որոնց տեսնում էին այսպես կոչված մինչև հեղափոխությունը, ընդամենը սորոսական էին, ֆինանսավորում էին ստանում, այդ մարդկանց համար բիզնես էր. «Ինչ հսկայական գրանտներ էին ստանում, ինչպես էին խոսում։ Չկան հիմա այդ  գրանտներն այդ ուղղությամբ, չեն տալիս»։

«Մենք շատ տխուր, շատ թերզարգացած հասարակություն ենք, պետք է դա ընդունենք որպես փաստ, ունենք այն, ինչ ունենք»,- ասաց փաստաբանը։

Նա նաև նշեց, որ սխալ տպավորություն է, թե միջազգային կառույցներից գալիս են Հայաստանը ծաղկեցնելու, շենացնելու, օգնելու։

«Այդ բոլոր միջազգային կառույցները, պետությունները թքած ունեն Հայաստանի վրա, իրենց չի հետաքրքրում։ Ինչ-որ մի  պետություն է, որը  ռուսական ազդեցության տակ է, պետք է ռուսական ազդեցությունից հանել, արանքում  5000 մարդ կսպանեն, թե 100 հազար, բացարձակ թքած  ունեն։ Բացի այդ, ով կարող է հարգել մի ազգի, ով ընտրում է  Նիկոլին։ Տղերք, մենք մեզ չենք հարգում արդեն և շատ նորմալ է, որ  ոչ մեկ մեզ չի հարգում, դա հլը մեզ քիչ է»,- ասաց Տիգրան Աթանեսյանը։