Ձեր վստահելի աղբյուրը

Ռեջեփ Թայիփ Էրդողանը հինգշաբթի մասնակցել է չճանաչված Հյուսիսային Կիպրոսի Թուրքական Հանրապետությունում (ՀԿԹՀ) Էրջանի նոր օդանավակայանի բացման արարողությանը։ ՏԱՍՍ-ի փոխանցմամբ՝ նա հույս է հայտնել, որ մոտ ապագայում իր տարածքից միջազգային թռիչքներ կիրականացվեն և կոչ է արել վերջ տալ կղզու թուրքական հատվածի մեկուսացմանը։

«Հեռու չեն այն օրերը, երբ նոր տերմինալը և դրա թռիչքուղին բաց կլինեն միջազգային թռիչքների համար: Ես կրկնում եմ իմ կոչը, որպեսզի Կիպրոսում լարվածություն չլինի և լինեն երկու հավասար պետություններ»,-ասել է Էրդողանը։

Էրջան օդանավակայանը նախատեսված է տարեկան մոտ 10 միլիոն ուղևորի սպասարկելու համար։ Այն կարող է ընդունել բոլոր տեսակի ինքնաթիռներ։ Նախագծում կատարված ներդրումները գերազանցել են 400 միլիոն եվրոն։

Կիպրոսը բաժանված է ազգային գծերով 1974 թվականին Թուրքիայի զինված ներխուժումից հետո, որը հրահրվել էր կղզին Հունաստանին միացնելու կողմնակիցների կողմից պետական հեղաշրջման արդյունքում: Ռազմական գործողությունների արդյունքում Կիպրոսի տարածքի մոտավորապես 37%-ը հայտնվել է Թուրքիայի վերահսկողության տակ, որի վրա ՀԿԹՀ-ն ձևավորվել է 1983 թվականին։ Կղզու հարավային մասը մնաց Կիպրոսի Հանրապետության վերահսկողության տակ, որը բնակեցված էր հիմնականում կիպրացի հույներով։ Կիպրոսի խնդիրը կարգավորելու կողմերի բազմիցս փորձերը մինչ այժմ ձախողվել են։