Ճանապարհ փակենք, հեղափոխություն անենք, ինչ էլ անենք, ջուրը դրանից չի շատանալու. Նիկոլ Փաշինյան

Տնտեսություն 14:54 20/07/2023 Հայաստան

Ճանապարհ փակենք, հեղափոխություն անենք, ինչ էլ անենք, ջուրը դրանից չի շատանալու. Նիկոլ Փաշինյան

«Շուրջ 50 միջոցառում նախատեսվում են իրականացնել 7 ուղղություններով»,-կառավարության նսիտում հայտնեց Էկոնոմիկայի նախարար Վահան Քերոբյանը ներկայացնելով օրակարգի վերջին՝ երրորդ զեկուցվող հարցը:

Նա թվարկեց այդ ուղղությունները, որոնցով նախատեսվում է բարձրացնել գյուղատնտեսական ոլորտի մրցունակությունն ու արտադրողականությունը, ապահովել սննդամթերքի անվտանգությունը, բարելավել պարենային անվտանգությունն ու ինքնաբավությունը, զարգացնել տեղական շուկաները և ավելացնել արտահանման հնարավորությունները։

Նիկոլ Փաշինյանն էլ հավելեց, որ տնտեսական աճի ֆոնին գյուղատնտեսության ոլորտում աճերն առնվազն տպավորիչ չեն, նաև անկման գործընթաց են լինում:

Հայտնելով, որ Հայաստանում անկում է ապրում նաև ավանդական գյուղատնտեսությունը՝ Փաշինյանը պնդեց, որկ ժամանակակից, ինտենսիվ գյուղատնտեսությունն աճ է ապրում:

«Ջուրը ավելի շատ Երկիր մոլորակի վրա չի լինելու, ներառյալ՝ ՀՀ-ում: Դա նշանակում է, որ մենք ոռոգման ոլորտում պետք է անցնենք նոր տեխնոլոգիաների, տարբերակ չկա: Ճանապարհ փակենք, հեղափոխություն անենք, ինչ էլ անենք, ջուրը դրանից չի շատանալու: Դա այն դեպքն է, որ Կառավարության որոշմամբ չենք կարող այս հարցը լուծել, նույնիսկ ՄԱԿ-ի որոշմամբ չենք կարող հարցը լուծել առնվազն կարճաժամկետ հատվածում»,-հայտարարեց գործադիրի ղեկավարը, հիմնավորելով ինտենսիվ գյուղատնտեսությանն անցնելու անհրաժեշտությունը:

Շարունակելով միտքն՝ նա ասաց, որ ցածր կաթնատվությամբ խոշոր եղջերավոր անասունի ֆերմաները կամ գլխաքանակը չեն կարող եկամտաբեր լինել:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: