Ձեր վստահելի աղբյուրը

«Ամոթ Եվրոպային, կանխեք ցեղասպանությունը Արցախում»՝ վանկարկում են մի խումբ քաղաքացիներ Երևանում ԵՄ գրասենյակի դիմաց։

Նրանք կոչ են անում Եվրամիությանը՝ կատարել մարդու իրավունքների մասին հռչակագրում, կոնվենցիաներում ամրագրված մարդու իրավունքների հիմնարար իրավունքներին վերաբերող կետերը, քանի որ Արցախում ոտնահարված են այդ իրավունքները։

«Մի թողեք մարդիկ սովի մատնվեն։ Նոր ցեղասպանություն է  հասունանում, որն անպատժելիության հետևանք է։ Շառլ Միշելի հայտարարությունը, որով առաջարկում է Աղդամով  ուտելիք տանել արցախցիներին, հավասարազոր է ցեղասպանությանը և դատապարտելի է , քանի որ կծնի նոր ցեղասպանություն։ Լաչինի միջանցքն այլընտրանք չունի»,- հայտարարաց ակցիայի մասնակիցներից մեկը։

Նա նշեց, որ պետք է հավաքվել բոլորով ու ստիպել կանխել ցեղասպանությունն Արցախում, որտեղ ամեն րոպե թերսունից երեխա է հիվանդանում։

«Այս ամենը տեղի է ունենում մեր աչքի առաջ։ Հնարավոր չէ այսքան լռել, բոլորով  դուրս գանք, պայքարենք ու կանխենք ցեղասպանությունը։

Ամոթ Եվրոպային»,- ասաց ակցիայի մասնակիցը։