Ձեր վստահելի աղբյուրը

Արցախի Հանրապետության Մարդու իրավունքների պաշտպան Գեղամ Ստեփանյանն ահազանգում է՝ Արցախի առողջապահական համակարգը շրջափակման պատճառով օրեցօր կաթվածահար է լինում: 

«Սթրեսի բարձր մակարդակի և թերսնման պատճառով կանանց վերարտադրողական առողջությունը վտանգի տակ է»,- գրել է Գեղամ Ստեփանյանը։ 

 Ստեփանակերտի Մոր և մանկան առողջության պահպանման կենտրոնի գործադիր տնօրեն Վարդգես Օսիպովն իր հերթին ահազանգել էր՝ Արցախի Հանրապետությունում հղիները զուրկ են  վիտամիններով հարուստ մթերք ձեռք բերելու հնարավորությունից։ Նրա խոսքով, վերջին մեկ  ամսում  հղիության վաղ շրջանում պտղի կորուստների ցուցանիշն աճել է գրեթե երեք անգամ։

«Անցած ամիս մենք, ցավոք, ունեցանք նաև պերինատալ մահացության ցուցանիշների որոշակի աճ։ Բնականաբար, այս ամենը պայմանավորված է բազմաթիվ պատճառներով։ Սա սթրես է, որը ապրում է մեր բնակչությունը, այդ թվում՝ հղի կինը: Ի լրումն այս ամենի` շատ կարևոր է բալանսավորված  սննդակարգը։ Բոլորը գիտեն, որ մեր բնակչությունը հնարավորություն չունի առաջին անհրաժեշտության սննդամթերք  օգտագործելու: Մինչդեռ դա է հանդիսանում առողջ սերունդ ունենալու գրավականը»,-նշել է Վ. Օսիպովը։