Ձեր վստահելի աղբյուրը

«Բրյուսելում հանդիպումը, ցավոք, Լաչինի միջանցքի բացման և Լեռնային Ղարաբաղում հումանիտար ճգնաժամի հաղթահարման առումով, որևէ կոնկրետ արդյունք չտվեց»,-գործադիրի այսօրվա նիստի մեկնարկին հայտարարեց Նիկոլ Փաշինյանը

Նրա խոսքով՝ քաղաքական առումով ԵՄ խորհրդի նախագահն հանդիպմանը հաջորդած հայտարարության մեջ ընդգծեց Լաչինի միջանցքի բացման անհրաժեշտությունը ինչպես նաև ԼՂ հայերի իրավուքնների և անվտանգության օրակարգը Ստեփանակերտի և Բաքվի միջև երկխոսության միջոցով հասցեագրելու անհրաժեշտությունը:

«Մեր համոզմունքը եղել և շարունակում է մնալ այն, որ առանց միջազգային ներգրավվածության և մեխանիզմենրի այս երկխոսությունը չի կարող արդյունավետ լինել առնվազն այն պատճառով, որ Բաքուն շարունակում է իր ագրեսիվ և սպառնալից  հռետորաբանությունը լեռնային Ղարաբաղի հայության նկատմամբ, որի խորքային նպատակը, մեր գնահատմամբ, Լեռնային ղարաբաղում էթնիկ զտումների իրականացումն է: Հիմա արդեն այն ոչ թե տեսական պնդում է, այլ Լաչինի միջանցքի արգելափակմամբ կոնկրետ ծրագիր, որի ուղիղ դրսևորումը, էլեկտրաէներգիայի, բնական գազի, պարենի և  առաջին անհրաժեշտության այլ ապրանքների դեպի Լեռնային Ղարաբաղ մատակարաման իսպառ բացակայությունն է, Լեռնային Ղարաբաղում հայերի բնակվելն անհնարին դրաձնելու նպատակով»,-ասաց Փաշինյանը: