Ձեր վստահելի աղբյուրը

«Ողջունում ենք տարածաշրջանում երկրների համագործակցությունն ու խաղաղության օրակարգով տարվող բանակցությունները, որը  տեղի է ունենում Ադրբեջանի և Հայաստանի միջև։ ԻԻՀ-ի այն  զգայուն  հարց է և  կենտրոնացած է տարածաշրջանային խաղաղության օրակարգով տարվող բանակցությունների ու զարգացումների վրա»,- Թեհրանում ՀՀ ԱԳ նախարար Արարատ Միրզոյանի հետ հանդիպումից հետո  մամուլի համար հայտարարեց  ԻԻՀ ԱԳ նախարար Հոսեյն Ամիր Աբդոլլահիանը։

Նա նշեց, որ վերջերս այցելել է Բաքու, որին էլ հաջորդել է  այսօր Արարատ Միրզոյանի հետ հանդիպումը։

«Փաշինյանի այցելությունը Թեհրան ապացուցում է, որ մենք կարևորում ենք տարածաշրջանում կայուն խաղաղություն հաստատումը և ձգտում ենք, որ Հարավային Կովկասի երկրների հետ հասնենք  փոխհարաբերությունների զարգացմանը։ Կարծում ենք, որ Հարավային Կովկասը չպետք է դառնա պլատֆորմ ՝ արտասահմանյան  երկրների մրցակցության և դերակատարություն ունենալու համար։ Նրանց միջամտությունը խաղաղության գործընթացներն ավելի է հետաձգելու։ Ադրբեջանի և Հայաստանի միջև խաղաղության բանակցությունների շուրջ զրույց ենք ունեցել ՀՀ ԱԳՆ նախարարի հետ, կարծում ենք , որ պատերազմով հարցերը կարգավորելու ժամանակաշրջանն ավարտվել է և հարցերը պետք է կարգավորել խաղաղ միջոցներով»,- հայտարարեց ԻԻՀ ԱԳ նախարար Հոսեյն Ամիր Աբդոլլահիանը։

Ավելի մանրամասն՝ տեսանյութում։