Ձեր վստահելի աղբյուրը

«Հասկանում ենք, որ դուք ուշանում եք աշխատանքից, հասկանում ենք, որ ձեր պարտականությունները պետք է ժամանակին կատարեք, բայց ուզում ենք նաև ձեր ուշադրությունը 120 հազար մարդու կյանքի, ապրելու իրավունքի նկատմամբ»,- ասաց «Մենք Արցախն ենք» նախաձեռնության կամակերպած ակցիայի մասնակիցների մեկը, ով այլ քաղաքացիների հետ փակել է Բաղրամյան պողոտան։

Նա ընդգծեց՝ Արցախում մարդիկ չունեն գազ, լույս, աշխատանքի հասնելու հնարավորություն, գոնե մի քանի րոպե փորձեք մտնել այդ մարդկանց դրության մեջ։

«120 հազար մարդ այս պահն շրջափակման մեջ է, ընդամենը 5 րոպե ալարում եք ձեզ նեղություն տալ ու գտնվել նման իրավիճակում»,- ասաց ակցիայի մասնակիցը։

Այդ պահին «ինկասացիայի» մեքենան փորձում էր անցնել այդ ճանապարհով։
 
«Անգամ շտապօգնության մեքենա չի կարողանում անցնել Լաչինի միջանցքով, իսկ դուք փորձում եք ինկասացիայի մեքենա անցկացնել։ Անցիր իմ վրայով»,- ասաց ակցիայի մասնակիցն ու նստեց հենց մեքենայի դիմացը։