Ձեր վստահելի աղբյուրը

«Բացում» քաղաքացիական նախաձեռնության անդամները  հավաքվել են Հայաստանում ՄԱԿ-ի գրասենյակի դիմաց՝ հանձելու դիմում-նամակ:

«Արցախ քեզ հետ ենք», «Արցախ քեզ հետ ենք»՝ վանկարկում են նրանք։

«Արդար պայքարի արդյունքում բացվելու է Լաչինի միցանքը, իսկ բացումից հետո տեղի է ունենալու միացում»,- ասում են ակցիայի մասնակիցները։

Բոլորը միասին վանկարկում են՝ «բացում, միացում»։

«Մենք դիմում ենք ՄԱԿ-ին, որպեսզի ուշադիր լսեն մեր կոչն ու գործադրեն իրենց  ազդեցությունը Արցախում իրավիճակը շտկելու համար՝ վերականգնելով բոլոր նպատաների շրջանակում ամրագրված կենսական սկզբունքները»,- հայտարարեց ակցիայի մասնակիցը։

Նշվում է, որ դիմում-նամակի նպատակն է ՄԱԿ-ի համապատասխան գործակալությունների ՝ մասնավորապես «Պարենի համաշխարհային ծրագրի», «ՅՈՒՆԻՍԵՖ»-ի և այլ համապատասխան գործառույթներ ունեցողների միջոցով քաղաքացիների կողմից ՄԱԿ-ի հայաստանյան գրասենյակի դիմաց հավաքագրվող հումանիտար բեռները` առաջին անհրաժեշտության պարենամթերք ու բժշկական պարագաներ, տեղափոխել Արցախ:

ՄԱԿ-ի մոտ արդեն մի քանի օր է քաղաքացիները պաշարներ են բերում, որոնք  ՄԱԿ-ի օգնությամբ պետք է կարողանան տեղափոխել Արցախ։

«Շատ են հարցնում, թե ինչպես ենք տեղափոխելու։ Այս ամբողջ շարժումը հենց դրա համար է, որ ճանապարհը բացվի։ Հաճախ ասվում է, որ ՄԱԿ-ը չի կարող քայլեր ձեռնարկել առանց պետության ուղիղ հայցի կամ դիմումի։ Այս ուղղությամբ ևս հետևողական աշխատանք է տարվում։

Մի քանի անգամ փաստաբան Մելանյա Սամսոնյանի հետ այցելել ենք ԱԳՆ, փորձել ենք հասկանալ, թե ով է իրավասուն ԱԳՆ շենքում, որը պետք է առաջ տանի ՄԱԿ-ի հետ բանակցությունները։ Այսօր վերջապես   պատասխանատուներից մեկը արձագանքել է, գրի է առել տվյալները, պահանջը քաղաքացիների կողմից»,- ասաց նախաձեռնության անդամ Սեդա Գրիգորյանը։

ՄԱԿ-ի հայաստանյան գրասենյակի համակարգողին ուղղված նամակում նախաձեռնությունը կոչ է անում ողջ հումաիտար բեռն առանց ավելորդ ժամանակ կորցնելու հասցնել Արցախի ժողովորդին. «Հաշվի առնելով ծանրագույն իրավիճակը՝ խնդրում ենք ձեզ հրատապ կարգով ընդունել հավաքագրված ողջ  հումանիտար բեռը,  փոխադրել Հայաստանից  Լաչինի միջանցքով դեպի Արցախի Հանրապետություն։ Այն իրականացնելու թույլատվության տրամադրման ժամանակ  ի գիտություն ընդունեք մեր կողմից անհրաժեշտ կամավորական  օգնություն ցուցաբերելու պատրատակամությունը ողջ բեռը  գույքագրելու, տեսակավորելու, փորխադրելու քայլերի շրջանակում»։