![](https://panorama.am/news_images/958/2871685_1/capture.thumb.jpg)
Team Telecom Armenia-ն Sevan Startup Summit-ի տեխնոլոգիական գործընկերն է
Դարանակ գյուղին հարակից ափամերձ հատվածը դարձել է Հայաստանից և ավելի քան 30 երկրներից ժամանած ստարտափների, տեխնոդեմքերի ու ներդրողների հանդիպման վայրը․ Sevan Startup Summit-ը կրկին Սևանում է։ Տեխնոլոգիական և կրթական ոլորտներին աջակցելու, նորարարական գաղափարները և ստարտափներին խրախուսելու նպատակով Team Telecom Armenia-ն միացել է ամենասպասված միջոցառմանը՝ որպես տեխնոլոգիական գործընկեր։
«Տելեկոմը գտնվում է տեխնոլոգիական ընկերությունների և սպառողների կենտրոնում՝ ապահովելով նրանց միջև անխափան կապը։ Եթե տելեկոմը չլինի այս ճանապարհին կառաջանան խցանումներ, իսկ տեխնոլոգիական ոլորտի զարգացում տեղի չի ունենա։ Այդ նպատակով էլ համագործակցում ենք Sevan Startup Summit-ի հետ՝ ներկայացնելու Team Telecom Armenia-ի ծրագրերը և հասկանալու ՏՏ համայնքի խնդիրները»,- նշել է ընկերության գլխավոր տնօրեն Հայկ Եսայանը։
Team Telecom Armenia-ի հասարակայնության հետ կապերի ծառայությունից հայտնում են, որ կրթական ծրագիրը հագեցած է բիզնես աշխարհի փորձառու և հայտնի ներկայացուցիչների հետ դասախոսություններով, վորքշոփերով, մենթորինգի սեսիաներով, պանելային քննարկումներով, նեթվորքինգային հնարավորություններով և քննարկումներով։
Sevan Startup Summit-ի տնօրեն Վահագն Ռափյանը նշեց, որ իրենց նպատակը Հայաստանում ստարտափ էկոհամակարգի զարգացումն է։ Նրա խոսքով մայրաքաղաքից հեռու գտնվելը չի խանգարել տեղական ու միջազգային ստարտափ ընկերությունների ակտիվ մասնակցությանը․ «Ունենք մասնակիցներ շուրջ 30 երկրներից, ինչը բավականին լավ ցուցանիշ է»։
Սամմիթին հատուկ Խարույկի շուրջ քննարկումները՝ Campfire talk-երը նույնպես վերադարձել են․ Team Telecom Armenia-ի գլխավոր տնօրեն Հայկ Եսայանը մասնակիցների հետ զրուցեց Հայաստանում հեռահաղորդակցության ոլորտի պատմության ու տրանսֆորմացիայի, տեխնոլոգիաների զարգացման գործում տելեկոմ ոլորտի կարևորության և ընկերության ապագա ծրագրերի մասին։
Միջոցառման ընթացքում անցկացվում է նաև միկրոաքսելերացիոն կրթական ծրագիր, որը ստեղծված է growth զարգացման փուլերում գտնվող ստարտափների համար։
Team Telecom Armenia-ի մասին
Team Telecom Armenia-ն ՀՀ տարածքում տրամադրում է բջջային և ֆիքսված ինտերնետի, թվային հեռուստատեսության, բջջային և ֆիքսված հեռախոսակապի ծառայություններ։ Ընկերությունը առաջին տելեկոմն է, որ իրականացնում է IPO Հայաստանում՝ դառնալով էլ ավելի բաց ու հանրային։ Հանդիսանալով Հայաստանում հեռահաղորդակցության առաջին համակարգի ժառանգորդը՝ Team-ը ժամանակակից տեխնոլոգիաների հետ է համադրում առաջին կապի օպերատորի հարուստ փորձը. 2021 թվականից ընկերությունը սկսել է տարածաշրջանում եզակի՝ 25 Գբ/վ արագությամբ 25G-PON տեխնոլոգիայով NGN (Next Generation Network) ցանցի կառուցումը, որը որակյալ ինտերնետով կապահովի Հայաստանի բոլոր մարզերը։
Sevan Startup Summit-ի մասին
Սամմիթի պատմությունը սկսվել է 2016 թվականին։ Մինչ օրս նախագծին մասնակցել են ավելի քան 25 000 մասնակիցներ՝ աշխարհի 50 երկրից: Միջոցառման մրցանակային ֆոնդը մինչ այժմ կազմել է 350 000 ԱՄՆ դոլար, իսկ նախագծի շրջանակներում կատարված ներդրումները հասնում են 4 միլիոն ԱՄՆ դոլարի։ Սևանյան այս ֆորումը լուրջ դերակատարում է ունեցել Հայաստանում ստարտափ էկոհամակարգի ձևավորման և զարգացման գործում։ Այն վերջերս ձեռք է բերել միջազգային համբավ և անցկացվել Արաբական Միացյալ Էմիրություններում և Հնդկաստանում՝ Սիսայդ Ստարտափ Սամմիթ անվան ներքո։
Հարակից հրապարակումներ`
- Team Telecom Armenia-ի IPO-ի քեյսը ներկայացվել է CaseKey բիզնես խնդիրների լուծման մրցույթի մասնակիցներին
- Տեղի ունեցավ Team Telecom Armenia-ի IPO-ն ազդարարող միջոցառումը
- Krisp-ի և WEB-ի համահիմնադիրները միացել են Team Telecom Armenia -ին` որպես տնօրենների խորհրդի անկախ անդամներ
- Team Telecom Armenia-ի բաժնետոմսերի վաճառքը մեկնարկել է
- Team Telecom Armenia-ն իրականացնում է բաժնետոմսերի հրապարակային տեղաբաշխում (IPO)
- Team Telecom Armenia-ն ու Հայաստանի պետական սիմֆոնիկ նվագախումբը նոր նախագիծ են ներկայացրել
- Մեծ հեռուստացույց մատչելի գնով. նոր առաջարկ Team Telecom Armenia-ից
- Ինտերնետ հասանելիությունն ամբողջությամբ վերականգնվել է. Team Telecom Armenia
- Koreez համադպրոցական մրցույթի հաղթողները մրցանակներ ստացան Team Telecom Armenia-ից
- «Տիեզերական զրույցներ» երեխաների համար՝ Team Telecom Armenia-ից ու STARMUS-ից
- Team Telecom Armenia. Հայտնի են Entrepreneurship World Cup 2022 ազգային փուլի կիսաեզրափակիչ անցած թիմերը
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան