Ձեր վստահելի աղբյուրը

«Մինչև Նիկոլ Փաշինյանը մեզ չընդունի, չենք բացելու ճանապարհը։ Խաբելով հո չի։ Միշտ խաբում-խաբում»,- լրագրողներին ասաց 44-օրյա պատերազմում Էջմիածնի «քիմիկների զորամասի» անհետ կորած զինծառայողներից մեկի ծնողը, ով  այլ ծնողների հետ վաղ առավոտից փակել է Բաղրամյան պողոտան՝ պահանջելով հանդիպում Փաշինյանի հետ։

Նրանք ասում են՝ վրաններ են տեղադրելու ու մնան այնքան, մինչև հանդիպում լինի։

Անհետ կորած համարվող 27-ամյա Վարդան Ադոյանի մայրը՝ Անահիտ Ադոյանն, ասաց, որ Էջմիածնի «քիմիկներից» 35 հոգի անհետ կորած են։

«Ունենք գերությունից վերադարձած հինգ հոգի, իրենց ցուցմունքների մեջ էլ ասում են,  որ մենք տեսանք՝ ոնց տարան։ Դե որ տարել են, հետևողական եղեք, բերեք։

Տարան երեխաներին, փուռը տվեցին։ Երեք ավտոբուս տարան, լցրեցին Զանգելան, որն  արդեն իսկ հոկտեմբերի 19-ին գրավված էր։ Տարան, լցրեցին, որ գերի տային ու ասեին՝ Զանգելանը կռվով տվեցինք։ Կռիվ չի եղել, տարել են, հանձնել են։ Պատերազմ չի եղել, ծախել են, իրենք են հանձնել երեխեքին»,- ասաց Ա. Ադոյանը։