Ձեր վստահելի աղբյուրը

«Այն, ինչ արվում է այսօր Հայաստանի իշխանություններից կողմց, կարող է բերել պատերազմի»,- ֆեյսբուքյան ուղիղ եթերում ասում է ՀՀ արտաքին գործերի նախկին նախարար Վարդան Օսկանյանը։

Ըստ նրա, այն, ինչ արվում է, Արցախը լուծարվում է Ադրբեջանի մեջ, Հայաստանից տրվում են անկլավներ՝ տարածքներ, որոնք էապես ազդելու են մեր անվտանգության վրա, 85-100 հազար ադրբեջանցիներ բնակեցվելու են այդ տարածքներում։

«Սրանք լրջագույն խնդիրներ են։ Փաստորեն, Արցախն իր բնակչությամբ լուծարվելու է Ադրբեջանի մեջ, իսկ 100 հազար ադրբեջանցի, որոնք գալու են Հայաստան, նրանք ոչ թե լուծարվելու են մեր մեջ, այլ, հավանաբար, նրանք լուծարելու են այդ շրջանների հայ բնակչությանն իրենց մեջ։ Սա բոլորովին այլ խնդիր է, երկարատև հակամարտությունից, 44-օրյա պատերազմից հետո հապճեպ գնալ նման լուծման, հավատացեք, սա նոր հակամարտության դուռ է բացելու»,- ասում է նա։

Օսկանյանը պնդում է՝ այն, ինչ անում է այս Հայաստանի իշխանությունը, իրատեսական չէ, կարող է պատերազմի բերել։

Նա կրկին խնդրում է Նիկոլ Փաշինյանին լռել, կամ՝ հրաժարական տալ։ Նա համոզված է, որ այս ամենին կա այլընտրանք, ինչն առաջարկելը չի կարող բերել պատերազմ։ 

Մանրամասն՝ տեսանյութում։