Ձեր վստահելի աղբյուրը

«Հայաքվե» նախաձեռնության լիազոր ներկայացուցիչ Արամ Պետրոսյանն  ասուլիսում մանրամասն ներկայացրեց «Հայաքվեի» ստորագրության ավարտից հետո ինչ է լինելու.

«Ստորագրահավաքի ավարտից հետո «Հայաքվե»-ն դիմելու է ԿԸՀ՝ ներկայացնելով ստորագրության թերթիկները։ ԿԸՀ-ն 30 օրում պետք է ստուգի ստորագրությունների թերթիկները։

Խնդրելու ենք անպայման առնվազն գոնե ես մասնակցեմ իրեց աշխատանքներին։ Օրենքով արգելված չէ, բայց չկա նաև, որ կարելի է։

Երբ կուենանք ԿԸՀ գրավոր դրական եզրակացություն որոշման տեսքով, որ առնվանզ 50 հազար պատշաճ ստորագրություն է  ներկայացված, պետք է դիմենք ԱԺ-ն։ ԱԺ-ն բազմաթիվ ընթացակարգեր ունի՝  կառավարություն է դիմելու, կարծիքներ է  ստանալու, բյուջեի վրա ինչ ազդեցություն կունենա և այլն, որոնցից հետո հարցը կմտնի լիագումար նիստ և կքննարկվի։ Այս ամենն առնվազն երկու-երեք ամիս տևելու է»։

Հարցին՝ «բա որ մինչև հոկտեմբերի 1-ը Նիկոլ Փաշինյանը ստորագրի՞ փաստաթուղթ», «Հայաքվե» նախաձեռնության համակարգող Ավետիք Չալաբյանն ասաց. «Այս հարցը հաճախ է բարձրացվում։ Մինչև վերջ չենք կարող կանխատեսել, թե ինչ է տեղի ունենալու բանակցային գործընթացում։ Բայց եթե հետևում եք գործընթացին՝ պետք է ակնհայտ դառնա, որ բանակցային փաթեթը համաձայնեցված չէ։ Դրա մասին ասում են բոլորը։

Խնդիրը, ինձ թվում է, այս պահին դեռևս լուծում չունի։ Մեր կարծիքով, այս ընթացքում  ՀՀ իշխանություններն ինչ-որ փաստաթուղթ  չեն ստորագրի։ Բայց եթե նույնիսկ բանակցային գործընթացն արագանա, եթե հասկանանք, որ բանակցային գործընթացը գնում է հանգրվանի, որը Հայաստանի ու Արցախ Հանրապետության  համար կարող է ունենալ անշրջելի բացասական հետևանքներ, պայքարի միջոցները ևս կարող են փոխվել»։

Հիշեցնենք, որ «Հայաքվե»-ն քաղաքացիական-օրենսդրական նախաձեռնություն է,որն առաջարկում է քրեականցնել Հայաստանի Հանրապետության անունից Արցախն այլ պետության մաս ճանաչող ցանկացած գործողություն:
Նախագծում կա ևս մեկ կետ՝ Հայոց ցեղասպանության նշանակությունը նսեմացնող գործողությունների քրեականացում:
Քայլեր
1. Նախաձեռնվում է ստորագրահավաք՝ նախատեսված Սահմանադրությամբ և Հանրաքվեի մասին օրենքով:
Կենտրոնական ընտրական հանձնաժողովը սահմանում է ստորագրահավաքի անցկացման 60-օրյա ժամանակահատվածը:
2. Երբ հավաքվի 50 հազար ստորագրություն,օրինագիծը պարտադիր մտնում է ԱԺ օրակարգ և դրվում քվեարկության:
3. Եթե ազգային ժողովը անտեսի ժողովրդի կամքը և մերժի նախագիծը, ապա ևս 300 հազար ստորագրություն կհավաքվի,և այս նախագիծը կդրվի հանրաքվեի:
Հանրաքվեով բավարար ձայներ ստանալու դեպքում նախագիծը անմիջապես հրապարակվում ու դառնում է օրենք: Հետագայում այն կարող է փոխվել ՄԻԱՅՆ ՀԱՆՐԱՔՎԵՈՎ: