Ձեր վստահելի աղբյուրը

Վերա Խաչատրյանը՝ ադրբեջանցիների կողմից առևանգված  արցախցի 68-ամյա Վագիֆ Խաչատրյանի դուստրը գրում է. 

«Վաղը` ժամը 11:00-ին լինելու եմ ՄԱԿ-ի Հայաստանյան գրասենյակի դիմաց, այնուհետև գնալու եմ Կարմիր խաչի գրասենյակ:

Խնդրում եմ, աղերսում եմ բոլորիդ միանալ »։ 

«Բացում» քաղաքացիական նախաձեռնությունը հայտնում է.

«Բացում» նախաձեռնությունը հուլիսի 31-ին հրավիրում է մասնակցել Բերձորի միջանցքի բացման և հումանիտար բեռների տեղափոխման նպատակով իրականացվող գործողություններին.

-11:00-ին ՄԱԿ հայաստանյան գրասենյակի մոտ իրականացնում ենք բողոքի միջոցառում՝
ա. պահանջելու Կարմիր Խաչի (ԿԽ) բուժառու Վագիֆ Խաչատրյանի ադրբեջանական ուժերի կողմից առևանգումը դատապարտել և վերադարձնել նրան ԿԽ-ին,

բ. ստանալու հուլիսի 24-ին նախաձեռնության հանձնած դիմում-նամակի գրավոր պատասխանը,
գ. փոխանցելու Հայաստանում ՄԱԿ-ի ներկայացուցիչներին նախօրոք ձեռք բերված համաձայնությամբ հավաքված փաստեր՝ կապված Արցախում հումանիտար ճգնաժամի մասին»։ 

Հիշեցնենք, որ հուլիսի 29-ին Ադրբեջանի սահմանապահ ծառայության ներկայացուցիչները Բերձորի միջանցքում ապօրինի տեղակայված ադրբեջանական «անցակետից» առևանգել են վիրահատության նպատակով Կարմիր Խաչի միջազգային կոմիտեի միջոցով Արցախից Հայաստան տեղափոխվող 68-ամյա Վագիֆ Խաչատրյանին։ Ադրբեջանում նրան մեղադրանք է առաջադրվել։