Ձեր վստահելի աղբյուրը

Երևանը  համարվում է աշխարհի ամենափոշոտ քաղաքներից մեկը։ Panorama.am-ը հարցման միջոցով փորձեց պարզել՝ ինչպե՞ս է քաղաքացիների վրա անդրադառնում փոշին, և ի՞նչ պետք է անել մայրաքաղաքում փոշու քանակը նվազեցնելու համար։

«Կարծում եմ դա ավելի շատ  նորակառույց շենքերի «շնորհքն» է, այս դեպքում արդեն մենք ոչինչ չենք կարող որոշել և լուծել. հուսով եմ՝ ինչ-որ կերպ կկարգավորվի այդ հարցը»,-ասաց քաղաքացիներից մեկը։

«Մեքենաները մարդկանցից շատ են, բնականաբար՝ օդն էլ աղտոտ։ Ես չգիտեմ էկոլոգիապես մաքուր ինչ ուղիներ կան, պետք է անպայման մտածեն այդ մասին։ Աղտոտվածության պատճառով է, որ հիմա ամեն երկրորդ մարդն ալերգիա ունի»,-ասաց հարցման մեկ այլ մասնակից։

Մի տղամարդ էլ Երևանի աղտոտվածությունն ու օդում փոշու առկայությունը այս իշխանության քաղաքականության հետևանք է համարում։ 

«Պատճառները պետք է վերացվեն։ Ժողովրդին էս էլ ա քիչ, որ գլուխները խելք մտնի՝ իմանան՝ ում են ընտրում, ոչ թե «ուռա՜» գոռալով գնան Ավինյան ընտրեն»,-ասաց նա՝ հորդորելով քաղաքացիներին, լսել, հասկանալ, թե ում են ընտրում։