Ձեր վստահելի աղբյուրը

«Դեմոկրատական այլընտրանք» կուսակցության Քաղաքական խորհրդի նախագահ Սուրեն Սուրենյանցը գրում է.

«Նիկոլամերձ շրջանակներից շտապել են Արայիկ Հարությունյանին «անաղուհաց» անվանել՝ Փաշինյանին ուղղված երկչոտ քննադատության համար:

«Մենք անառակ զավակ չենք»,- այսօրվա հարցազրույցում, անդրադառնալով Հայաստանից ստացված բյուջետային օգնությանն, ասել է Արայիկ Հարությունյանը:

Այս օգնության թեման վերջին ասուլիսում գռեհիկ շահարկել էր Նիկոլ Փաշինյանը՝ հասարակությանը թյուրիմացության մեջ գցելով, թե իր նման մի «մեսիա» է օգնում «անաղուհաց» արցախցիներին:
Երբ Արցախը ոչնչացրած մեկը դեռ խոսում է ԼՂ-ին ցուցաբերած իր օգնության մասին, դա առաջին հերթին բացահայտում է այդ մեկի բարոյական սնանկությունը:
Բայց նաև այլ հարթություններ կան:

Նիկոլն իր հոր տնից բերած փողերով չի օգնում Արցախին ու հետևաբար Հայաստանի ժողովրդի կամավոր զոհողության վրա «ղումար» խաղալու իրավունք չունի, ընդ որում՝ նաև իրավական հարթության վրա:

Արցախին աջակցության հարցը կանոնակարգվում է Հայաստանի օրենսդրությամբ ու եթե Փաշինյանը որոշի Արցախին «լավություն չանել»(ինչը սպառնում էր վերջին ասուլիսում), խնդիր է ունենալու ոչ միայն բարոյականության(ինչը նրա համար խնդիր չէ), այլ նաև օրենքի հետ՝ ավելացնելով այն հանցավոր արարքների թիվը, ինչի համար մի օր պատասխան է տալու արդարադատությանը»։