Ձեր վստահելի աղբյուրը

Հանրային ծառայություններ մատուցող ընկերությունների աշխատանքի վերաբերյալ դժգոհությունները սոցցանցերում քննարկվող թեմանների թոփում են։

Հայաստանում մարդիկ արդեն երջանկությունն ասոցացնում են այն իրավիճակների հետ, երբ և լույս, և ջուր, և գազ ունեն։

Մի թեթև քամի, երկու կաթիլ անձև՝  լույս չկա։ Պատասխանող օպերատոր էլ չկա։

Ջերմաստիճանի բարձրացում՝ ջուրն է դառնում խնդիր։ Այսօր «Հիդրոօդերևութաբանության և մոնիթորինգի կենտրոն» ՊՈԱԿ-ը տեղեկացրեց, որ Արագածոտնի, Կոտայքի և Վայոց ձորի նախալեռներում, Արարատյան դաշտում և Երևանում օդի հարաբերական խոնավությունը  կնվազի մինչև 8-10 տոկոս։ Ջրազրկումից խուսափելու համար խորհուրդ է տրվում ընդունել շատ հեղուկներ:

«Ասումա շատ ջուր խմեք։
Ու էս ֆոնին զարթնում ես Աջափնյակում, ու բացահայտում որ «Ջուր չկա», էտ պահին նայում ես «Վեոլիա Ջուր» -ի կայքում բան չկա... Հետո երևի գալիս են գործի, մի 2 ժամ կոֆե բան ման են խմում ու որոշում են դնեն...

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ. օգոստոսի 10-ին ժամը 08:30-18:00-ն կդադարեցվի Ֆուչիկի փող. և 2, 1 նրբ., Մարգարյան փող. և 1, 2 նրբ., Շիրազ, Մազմանյան, Բաշինջաղյան փող. և 1 նրբ., Հալաբյան 25-59 շենքերի ջրամատակարարումը:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,-գրել է ֆեյսբուքյան օգտատեր Արման Աթոյանը։

«Վեոլիա Ջուր -ը լսել ա, որ էսօր ամենաշոգ օրերից ա ու բնականաբար ջրերն անջատել ա, որ մարդիկ շոգից մահանան:
Էնքան փնթի ու անկազմակերպ են, որ անջատում են՝ նոր զգուշացնում, որ տարբերակ չունենաս անգամ մի փոքր ջրի պաշար հավաքելու:
Էս կազմակերպության փնթիության վերջը մի օր կգա՞»,-գրել է Ալինա Նիկողոսյանը։

Ընկերությունից տեղեկացնում են, որ վթարային աշխատանքներով պայմանավորված ս.թ. օգոստոսի 10-ին ժամը 08:30-18:00-ն կդադարեցվի  Ֆուչիկի փող. և 2, 1 նրբ., Մարգարյան փող. և 1, 2 նրբ., Շիրազ, Մազմանյան, Բաշինջաղյան փող. և 1 նրբ., Հալաբյան 25-59 շենքերի ջրամատակարարումը:

Օգոստոսի 10-ին ժամը 11:00-20:00-ն կդադարեցվի Նարեկացի, Քուչակ, Իսահակյան, Թումանյան, Հ.Հովհաննիսյան, Խուդյակով 81-218/8 տների, Սայաթ-Նովա 1/1-8/2 շենքերի, Ա.Շահինյան 1 նրբանցքի ջրամատակարարումը: