Ձեր վստահելի աղբյուրը

Ազգային Ժողովրդավարական բևեռի անդամներն այսօր իրազեկման ակցիա էին իրականացնում  Հյուսիսային պողոտայում, երբ հանդիպեցին ՔՊ-ական պատգամավոր, գործարար Խաչատուր Սուքիասյանին։

Նրա հասցեին արված «դավաճան» վանկարկումը բարկացրեց Սուքիասյանին.

«Դավաճանը հերդ ու մերդ են, համբալ»,- պատասխանեց նա։

Պատգամավորին պատկանող «ԱրարատՆյուզ»-ի խմբագիր Հարություն Մկրտչյանն էլ այդ արտահայտությունը՝ դավաճան,  իրենց հասցեին ուղղված հայհոյանք որակեց։

Դրանից հետո ելույթ ունեցող կնոջը Սուքիասյանը հարցրեց՝ ո՞վ ես։

«Ես Արմինեն եմ և մանկավարժ եմ»,-պատասխանեց ակցիայի մասնակից կինը, որ իր խոսքում կոչ էր անում իշխանությունը վերցնել Փաշինյանի ձեռքից։

«Դուք մանկավարժ եք, գնացեք, երեխա դաստիարակեք»,-ձեռքերը թափահարելով՝ բարկացած ասեց Սուքիասյանը։

«Իսկ դուք ի՞նչ պետք է անեք»,-հարցրեց Արմինեն։

«Ես պետք է տնտեսություն զարգացնեմ, որ քո նմաները աշխատավարձ ստանան»,-բարձր տոնով ու բարկացած հայտարարեց ՔՊ-ական պատգամավորը։