Ձեր վստահելի աղբյուրը

«Այս ծանր ժամանակահատվածում, երբ սահմաներին կուտակումներ են և Ադրբեջանը կրկին զորքեր է կուտակել, ուժի դիրքերից է ուզում խոսել՝ ինչպես 44-օրյայից առաջ պաշտպանության նախարարը Հայաստանում չէր, հիմա էլ նախարարը Հայաստանում չէ, գնացել է հանգստանալու, անհանգիստ էր»,-հրավիրված ասուլիսում հայտարարեց պահեստազորի գնդապետ, ռազմական փորձագետ Հայկ Նահապետյանը:

Բանախոսը նկատեց, որ հանգստանում է նաև ԱԺ նախագահ Ալեն Սիմոնյանն է, և նշեց, որ անհանգիստ է միայն ժողովուրդը, որովհետև նրա զավակները, եղբայրները, այրունակիցներն են սահմանին:

«Իրենք հանգիստ են ինչի՞ համար, որովհետև Արևմուտքից ասված ընդհանուր սցենարն իրենք գիտեն»,-ասաց Նահապետյանը և հավելեց, որ հակառակորդը 44-օրյայից հետո պատրաստվում է նոր ռազմական բախումների, որի ցուցիչը 25-ից ավել զորավարժություններն են, իսկ Հայաստանում ոչ մեկը չի եղել:

Ըստ նրա, Հայաստնը չի համաձայնում նաև դիտորդներ ուղարկելու և զորավարժություններ անցկացնելու ՀԱՊԿ առաջարկներին:

«Նիկոլ Փաշինյանին իշխանության մնալու համար անհրաժեշտ է, որ մենք չպարտվենք և հարց է առաջանում, թե ինչու վերջինս չի ուզում, որ ՀԱՊԿ-ը գա: Որովհետև ընդհանուր սցենարով մենք պետք է պարտվենք»,-հայտարարեց Նահապետյնը:

Նա բացատրեց, որ այդ իրավիճակում Նիկոլ Փաշինյանը կդիմի ՌԴ-ին՝ պատերազմի մեջ մտնելու խնդրանքով, վերջինս կհրաժարվի և Փաշինյանը կբարձրացնի ռուսական 102-րդ ռազմաբազան Հայաստանից հանելու հարցը:

Հայկ նահապետյանը հայտարարեց, որ վերջին շաբաթներին ադրբեջանի տարածած ապատեղեկատվության նպատակը ռազմական ագրեսիայի համար կեղծ հիմքեր ստեղծելն է:

«Դրա համար Պապիկյան Սուրոն Հայաստանում չէ, չեմ բացառում, որ ադրբեջանական այդ գործողությունները մոտ օրերս տեղի ունենան»,-ասաց բանախոսը և կարծիք հայտնեց, թե երբ ՌԴ ԱԳ ներկյցուցիչ Մարիա Զախարովան հայտարարում է, որ պատրաստ են դիտորդներ ուղարկել և զորավարժություններ անցկացնել Հայաստանու, դրանով ՌԴ-ն մեզ զգուշացնում է, որ պատերազմ է սպասվում:

Նահապետյանի կարծիքով 1-3 տարվա մեջ տարածաշրջանում ունենալու ենք պետություններ՝  նոր քարտեզներով, բայց քանի դեռ այստեղ Փաշինյանի իշխանություն է, Հայաստանը լուրջ կորուստներ է ունենալու:

Նա հավանական համարեց, որ Հայաստանին թողնեն 10 հազար ք/կմ տարածք, ՌԴ-ն ստեղծի Արցախ պետություն և վերջինիս ու Իրանի հետ վերահսկի Հյուսիս-Հարավ միջանցքը: