Պահանջում ենք արդարություն, հարգանք և ճանաչում․«ԲԱՑՈւՄ»
«ԲԱՑՈւՄ» քաղաքացիական նախաձեռնության հայտարարություն է տարածել Ադրբեջանի կողմից սովամահության առաջին զոհ դարձած Կ. Հովհաննիսյանի առնչությամբ, որում ասվում է․
«Արցախի տևական շրջափակումը և սննդի աղետալի աստիճանի հասնող սակավությունը, շարունակում են քայքայել մարդկանց կյանքերը: 120 հազար արցախցիների կյանքի սպառնալիքն իրական է և անքննարկելի, իսկ Արցախում սովի պատճառով հանգած առաջին կյանքը սարսափելի իրականության ողբերգական վկայությունն է։
Ադրբեջանի հաշվարկված պաշարումը Արցախի վրա, կենսական ճանապարհի փակումը՝ Բերձորի/ Լաչինի միջանցքի, անհերքելի հարձակում է մարդկության ընդհանուր արժեքների վրա։ Այնուամենայնիվ, նույնիսկ այս ագրեսիայի պայմաններում Արցախի ժողովուրդը հրաժարվում է զիջել՝ պաշտպանելով համընդհանուր և ինքնորոշման իրավունքները՝ մարմնավորելով են մարդկային ոգու ուժեղ կողմերը:
Արցախի հայ ժողովուրդը սոսկ վերապրողներ չեն, նրանք իրենց ճակատագրի տերն են, ովքեր իրավացիորեն պահանջում են միջազգային ճանաչում և հարգանք իրենց իրավունքների նկատմամբ։ Միավորված Ազգերի Կազմակերպությունը պետք է լսի և ճանաչի նրանց ձայնը՝ ճանաչելով նաև հարկադրանքից և վախից զերծ կյանքի անքակտելի իրավունքը:
16.08.2023 թվականի ՄԱԿ ԱԽ-ում հայկական կողմի դիմումով արտահերթ նիստ է գումարվել և մենք մեծ սպասելիքներ ունենք, որ Անվտանգության խորհրդի անդամ երկրները կդատապարտեն Ադրբեջանի ցեղասպան քաղաքականությունը, պատասխանատվության կկանչեն, ինչպես նաև կբացեն Բերձորի/Լաչինի միջանցքը՝ ի կատար ածելով փետրվարի կայացրած ՄԱԿ Արդարադատության միջազգային դատարանի որոշումը, որպեսզի չդառնան ցեղասպանության մեղսակիցներ։
Մենք մեր ձայնն ենք բարձրացնում ոչ միայն այս շրջափակման, այլ նաև լռության դեմ, որը մեղսակցություն է տառապանքներին, որը պատճառում է Ադրբեջանը մեր ժողովրդին։ Մենք պահանջում ենք արդարություն, հարգանք և ճանաչում՝ ահաբեկչությունից, սովից և ազատ կամքի ճնշումներից զերծ ապրելու մեր ժողովրդի իրավունքի համար:
Սգում ենք խրոնիկ թերսնման զոհ դարձած Կ.Հովհաննիսյանի կորուստը։ Ցավակցում իր հարազատնորին:Ցավոք, այս դեպքը վառ ապացույցն է ու հիշեցումը, որ հումանիտար աղետի հետևանքները գերազանցել են շատերի համար սովորական դարձած վիճակագրությունը»:
Լրահոս
Տեսանյութեր
Քեզ ըտենց Դո՞գն է ասել. Լարված վիճակ Երևանի ավագանիում
