Ձեր վստահելի աղբյուրը

«Կախված սեզոնայնությունից՝ խնդիրները միշտ շատանում են, քանի որ  ջրապահանջարկն ավելանում է, համակարգի ճնշումն ավելացվում է, որպեսզի ջուրը հասնի սպառողներին և համակարգի  մաշվածության պատճառով սկսում են վթարները շատանալ»,- կառավարության նիստից հետո լրագրողների հետ զրույցում ասաց  Հանրային ծառայությունները կարգավորող հանձնաժողովի նախագահ Գարեգին Բաղրամյանը՝ պատասխանելով հարցին, որ վերջին շրջանում քաղաքացիները դժգոհություններ են հայտնում  «Վեոլիա Ջուր» ընկերության սպասարկումից, ի՞նչ է արվում, պատասխանատվություն կկրի՞։ 

ՀԾԿՀ-ի նախագահն ասաց, որ անջատումների մասին պետք է լինեն  հրապարակումներ, այլապես կանոնների խախտում է, բացի այդ քաղաքացիների հարցերը չպետք է մնան անպատասխան, ինչը նույնպես խախտում է։

«Եթե  լիում է դիմում,  հանձնաժողովում հարուցվում է  վարույթ, տրվում է համապատասխան արձագանք»,-ասաց Գ.Բաղրամյանը։

Նա նշեց, որ  ամառային սեզոնին  ՀԾԿՀ-ն ավելի շատ դիմումներ է ստանում։ Ամառային ամիսներին, Գ.Բաղրամյանի խոսքով, օրական 10 դիմումից,  օրինակ, 8-ը կարող է միայն «Վեոլիա Ջուր» ընկերությանը վերաբերվի։

Նա մանրամասնեց, որ տուգանքները ավտոմատ են. «Տուգանքների մի քանի տեսակ են լինում. օրինակ՝ ավտոմատ եղանակով սպասարկման որակի կամ ժամի հետ կապված խախտումերի դեպքում։ Սա արված է  սպառողի հարմարվետության համար։  Այսինքն ավոտմատ վճարվում են տուգանքները սպառողի հաշիվներին։ Երկրորդը՝ վարույթի հարուցում, որը երկարաժամկետ գործընթաց է»։ 

Մանրամասն՝ տեսանյութում։