Ձեր վստահելի աղբյուրը

«Հայաքվե»  նախաձեռնությունը շուրջ  մեկ շաբաթ է ավարտել է ստորագրահավաքի փուլը, ներկայումս կատարվում են թվայնացման աշխատանքներ։

«Շուրջ 58 հազար ստորագրությունից  30 հազարն արդեն ստուգվել է, սխալների թիվը չի գերազանցում  կես տոկոսը։ Աշխատանքները կատարվում են, որպեսզի հայտնաբերվեն թե անվավեր, թե սխալ լրացված,  թե կրկնաստորագրությունները»,- ասում է «Հայաքվե» նախաձեռնության լիազոր ներկայացուցիչ Արամ Պետրոսյանը։

Հիշեցնենք, որ «Հայաքվե»-ն քաղաքացիական-օրենսդրական նախաձեռնություն է,որն առաջարկում է քրեականցնել Հայաստանի Հանրապետության անունից Արցախն այլ պետության մաս ճանաչող ցանկացած գործողություն:

Նախագծում կա ևս մեկ կետ՝ Հայոց ցեղասպանության նշանակությունը նսեմացնող գործողությունների քրեականացում:

Քայլեր
1. Նախաձեռնվում է ստորագրահավաք՝ նախատեսված Սահմանադրությամբ և Հանրաքվեի մասին օրենքով:
Կենտրոնական ընտրական հանձնաժողովը սահմանում է ստորագրահավաքի անցկացման 60-օրյա ժամանակահատվածը:
2. Երբ հավաքվի 50 հազար ստորագրություն,օրինագիծը պարտադիր մտնում է ԱԺ օրակարգ և դրվում քվեարկության:
3. Եթե ազգային ժողովը անտեսի ժողովրդի կամքը և մերժի նախագիծը, ապա ևս 300 հազար ստորագրություն կհավաքվի,և այս նախագիծը կդրվի հանրաքվեի:
Հանրաքվեով բավարար ձայներ ստանալու դեպքում նախագիծը անմիջապես հրապարակվում ու դառնում է օրենք: Հետագայում այն կարող է փոխվել ՄԻԱՅՆ ՀԱՆՐԱՔՎԵՈՎ:

«Հայաքվեի» ստորագրահավաքին միացել են 58 հազարից ավելի մեր քաղաքացիներ և  նախաձեռնողները ժամկետից շուտ դադարեցրել են ստորագրահավաքի առաջին փուլը։