Ձեր վստահելի աղբյուրը

Տեսախցիկի առաջ մանկահասակ աղջկան դաժան բռնությունների, ստորացման ենթարկած կնոջ մասին որոշ մանրամասներ են հրապարակված «Դատալեքս»-ում։

Պարզվում է կինը՝ 34-ամյա Աննա Արևշատյանն ապրել է Գավառում,  նախկինում դատված է, ազատվել է պայմանական վաղաժամկեը, չի աշխատում, 2017-ի դեկտեմբերի 12-ի դրությամբ խնամքին ունեցել է չորս անչափահաս երեխա։ Նա նախկինում դատվել է սուտ մատնության համար (ՀՀ քրեական օրենսգրքի 333 հոդվածի 2-րդ մասի 1-ին կետով):

Դատալեքսից տեղեկանում ենք, որ 2017-ի օգոստոսի 10-ին ՀՀ քննչական կոմիտեի ՀԿԳ քննության գլխավոր վարչության ՀԿԳ քննիչ Հ.Չալաբյանի կողմից ՀՀ քրեական օրենսգրքի 333 հոդվածի 2-րդ մասի 1-ին կետով քրեական գործ է հարուցվել, իսկ 22.09.2017թ. ՀՀ քրեական օրենսգրքի 333 հոդվածի 2-րդ մասի 1-ին կետով Աննա Մայիսի Արևշատյանը որպես մեղադրյալ է ներգրավվել այն բանի համար, որ նա նախազգուշացված լինելով սուտ մատնություն կատարելու համար նախատեսված քրեական պատասխանատվության մասին, գիտակցելով, որ իր տրամադրած տեղեկատվությունը կեղծ է՝ 2017 թվականի հունիսի 9-ին ՀՀ ոստիկանության Տավուշի մարզային վարչության Իջևանի բաժնում տվել է սուտ հաղորդում այն մասին, որ 2009 թվականից մինչև 2017 թվականի մայիս ամիսն ընկած ժամանակահատվածում Հ. Խեչյանը առանց աշխատավարձ վճարելու իրեն և ամուսնուն՝ Թաթուլ Բարիսի Մադաթյանին ներգրավել է հարկադիր աշխատանքների կատարման մեջ, այն է՝ անասնաֆերմայում առկա անասունների խնամում, անասնաֆերմայի մաքրում և այլն, թերի կամ վատ աշխատանք կատարելու, ուշ արթնանալու համար պարբերաբար ծեծի է ենթարկել, ինչպես նաև արգելել է հեռանալ անասնաֆերմայի տարածքից, Հ. Խեչյանին մեղադրելով ՀՀ քրեական օրենսգրքի 132 հոդվածի 2-րդ մասի 1-ին կետով նախատեսված առանձնապես ծանր հանցագործություն կատարելու մեջ:

11.10.2017թ. քրեական գործը մեղադրական եզրակացությամբ ուղարկվել է Տավուշի մարզի ընդհանուր իրավասության դատարան:

Մինչ դատաքննությունն սկսելն ամբաստանյալ Աննա Մայիսի Արևշատյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ: Դատարանը որոշել է անցկացնել արագացված կարգով դատական քննություն:

Դատարանը գնահատել է, որ ամբաստանյալ Աննա Մայիսի Արևշատյանին մեղսագրված արարքը հաստատված է, ՀՀ քրեական օրենսգրքի 333 հոդվածի 2-րդ մասի 1-ին կետով ճիշտ է որակված, որի համար նա ենթակա է պատժի:

Պատիժ նշանակելիս դատարանը հաշվի է առնում ոչ միայն կատարված հանցագործության բնույթը և հասարակական վտանգավորության աստիճանը, այլև ամբաստանյալի անձը բնութագրող հանգամանքները՝  այն, որ երիտասարդ է, նախկինում դատապարտված կամ այլ կերպ արատավորված չի եղել, իրեն լիովին մեղավոր է ճանաչում, զղջում է կատարածի համար, տուժողի կողմից բողոք կամ պահանջ չի ներկայացվել:
Որպես ամբաստանյալի պատասխանատվությունը և պատիժը մեղմացնող հանգամանք` դատարանը հաշվի է առնում այն, որ ամբաստանյալը խնամքի տակ ունի մինչև տասնչորս տարեկան չորս երեխա:
Գործով ամբաստանյալի պատասխանատվությունը և պատիժը ծանրացնող հանգամանք ձեռք չի բերվել:

Տավուշի մարզի ընդհանուր իրավասության դատարանի դատավոր Ռաֆիկ Մելքոնյանն ամբաստանյալ Աննա Մայիսի Արևշատյանին մեղավոր ճանաչել ՀՀ քրեական օրենսգրքի 333 հոդվածի 2-րդ մասի 1-ին կետով և դատապարտել 3 /երեք/ ամիս ժամկետով ազատազրկման:

ՀՀ քրեական օրենսգրքի 69 հոդվածի կիրառմամբ նշանակված պատժի ժամկետին հաշվակցել ամբաստանյալի` կալանքի տակ գտնվելու 8 /ութ/ օրը և նրան վերջնականապես դատապարտել 2 /երկու/ ամիս 22 /քսաներկու/ օր ժամկետով ազատազրկման:

ՀՀ քրեական օրենսգրքի 70 հոդվածի կիրառմամբ նշանակված ազատազրկման ձևով պատիժը պայմանականորեն չպ կիրառբել և սահմանել 1 /մեկ/ տարի ժամկետով փորձաշրջան, որի ընթացքում ամբաստանյալի վարքի հսկողությունը իրականացվելու է ՀՀ ԱՆ Պրոբացիայի պետական ծառայության՝ ամբաստանյալի բնակության վայրի ստորաբաժանման կողմից:

Ամբաստանյալի նկատմամբ ընտրված խափանման միջոց կալանավորումը վերացել և նա դատական նիստերի դահլիճից ազատ է արձակվել։