Ձեր վստահելի աղբյուրը

«Մենք այնպիսի ողբալի իրավիճակում ենք հայտնվել, որ բոլոր քաղաքական ուժերը, նաև հայ ժողովրդի, Հայաստանի ապագայով մտահոգ բոլոր անհատներն ուղղակի իրավունք չունեն պասիվ անտարբերությամբ հետևել, թե ինչ է կատարվում երկրում»,- ասուլիսում ասաց Ազգային ժողովրդավարներ դաշինք կուսակցության նախագահ Արշակ Սադոյանը։

Նրա խոսքով, Երևանի ավագանու առաջիկա ընտրությունները ռեալ հնարավորություն է տալիս՝ կազմակերպելու որոշակի միավորում, համատեղ ջանքերով հասնելու նրան, որ այսօրվա մեծ թերություններ ունեցող իշխանությունների ներկայացուցիչները գոնե մայրաքաղաքում պարտվեն և այս ընտրությունները դարձնեն ՔՊ-ին մերժելու հանրաքվե։

«Արդար, թափանցիկ ընտրությունների դեպքում Տիգրան Ավանյանի ղեկավարությամբ նրանց խումբն ուղղակի կպարտվի, համենայնդեպս, միայն իր ուժերով չի հասնի հաղթանակի»,- ասաց Սադոյանը։ 

Նա ընդգծեց, որ կարևոր է համախմբված ուժի ցուցադրումը. ««Հայաքվեն» ինչպիս հաջողությամբ ապտակեց այսօրվա իշխանություններին։ Այդ ապտակը պետք է կրկնվի թեկուզ վերջնական արդյունքի չհասնենք։ Բայց, բոլոր դեպքերում, համոզված եմ, արդեն գոնե մայրաքաղաքում մարդիկ այնքան են զզված այս իշխանություններից, երբ որ քիչ թե շատ միավորված ուժ հանդես գա, նրանց կողքին կանգնեն մեր ապագայով մտահոգ քաղաքական, հասարակական ուժերը, որպեսզի այս անգամ, իրոք, լուրջ ապտակ հասցի, այդ ապտակը անհետևանք չի մնա»։ 

Մանրամասն՝ տեսանյութերում։