Ձեր վստահելի աղբյուրը

«Հրապարակ» թերթը գրում է.

«Արցախում ներքաղաքական անհանգիստ մթնոլորտ է։ Օրերս գրել էինք նախագահ Արայիկ Հարությունյանի՝ հրաժարական տալու մտադրության մասին, որը կանխել էին հեղինակավոր անձինք, նախկին նախագահները՝ անցած շաբաթվա սկզբին կայացած փակ հանդիպման ժամանակ։ Հանգստյան օրերին Ռուբեն Վարդանյանը, ըստ էության, հաստատեց մեր լուրերը:

Բայց տեղեկություններ հայտնվեցին, որ հրաժարականի թեման փակ չէ` մի խումբ աշխարհազորայիններ` Կարեն Մաթևոսյանի գլխավորությամբ, որն Արայիկ Հարությունյանի ընկերն է, փորձել են ներխուժել Արցախի խորհրդարան և հաշիվ պահանջել Դավիթ Իշխանյանից:

Մենք պարզեցինք, որ հրաժարականի լուրի մասին իմանալով՝ Մաթևոսյանը հինգշաբթի հանդիպել է Արցախի նախագահի հետ, նա հաստատել է, ասել է, որ ոչ մեկն իր կողքին չէ, բոլորն իրեն են մեղադրում և այլն, ուստի որոշել է հեռանալ: Մաթևոսյանն էլ մի խումբ աշխարհազորայինների հետ շտապել է խորհրդարան՝ իր նախագահին պաշտպանելու և հորդորելու պատգամավորներին, ԱԺ ղեկավարներին, որ կանգնեն Հարությունյանի կողքին։

Իսկ երեկ արդեն աշխարհազորայինների ղեկավարը լայվ մտավ և արցախցիներին ասաց, թե պատասխանատվություն է ստանձնում՝ աշխարհազորայինների իր խմբով պետության կառավարումը կազմակերպելու և խորհրդարանական ընտրություններ իրականացնելու հարցում։ Ավելին, Արցախում ստեղծված իրավիճակի համար նա մեղադրեց բոլորին, այդ թվում՝ նախկին նախագահներին և գրեթե սպառնաց` եթե չգան համաձայնության, իրենց հետ գործ կունենան:

Արցախի մեր աղբյուրները կասկած չունեն, որ Մաթևոսյանին ուղղորդում են ՀՀ-ից: Այս պահին Փաշինյանին ձեռնտու է Արցախում քաոսն ու անիշխանությունը, իսկ Մաթևոսյանին ակտիվացրել են, որ ֆորս մաժորի պարագայում իշխանությունը փոխանցեն գոնե Սամվել Բաբայանին: Մեր աղբյուրն ասում է, որ Մաթևոսյանն ու Բաբայանը մտերիմ են, և բլոկադայի ժամանակ հենց Մաթևոսյանն է կազմակերպել Բաբայանի մուտքն Արցախ»։

Մանրամասները թերթի այսօրվա համարում