Ձեր վստահելի աղբյուրը

Կուտակային կենսաթոշակային համակարգում ընդգրկված Վրաստանի բնակիչները կկարողանան իրենք իրենց կենսաթոշակային խնայողությունները ներդնել մինչև սեպտեմբերի 6-ը։

Jnews-ի փոխանցմամբ՝ օգոստոսի 6-ից ուժի մեջ են մտել «Կուտակային կենսաթոշակի մասին» օրենքում փոփոխությունները, և այժմ՝ մինչև սեպտեմբերի 6-ը, համակարգի մասնակիցները պետք է ընտրեն, թե որտեղ ներդնեն իրենց խնայողությունները։

Նրանց առաջարկվում են ցածր, միջին և բարձր ռիսկայնությամբ պորտֆելներ։

Նրանք, ովքեր իրենք չեն ընտրի ցանկալի պորտֆելը, ավտոմատ կերպով կբաշխվեն տարբեր պորտֆելների՝ ըստ իրենց տարիքի:

Այս պորտֆելների հիմնական տարբերությունը կայանում է ակտիվների բաշխման մեջ, որն իր հերթին կապված է երկարաժամկետ հեռանկարում տարբեր եկամտաբերության հետ:

Ընդ որում, պորտֆելներից ոչ մեկը չի ենթադրում խնայողությունների կորուստ, և կտարբերվի միայն կենսաթոշակային ակտիվների աճի տեմպերով։ Միևնույն ժամանակ կենսաթոշակային սխեմային մասնակցողներին թույլատրվում է տարին մեկ անգամ փոխել ներդրումային կատեգորիաները։

Մինչ այժմ կենսաթոշակային խնայողությունները տեղաբաշխվում էին բանկային ավանդներում և պետական արժեթղթերում։

Կենսաթոշակային գործակալության տվյալներով՝ Վրաստանում կենսաթոշակային ակտիվների արժեքը հունիսի 30-ի դրությամբ կազմում է 3,63 միլիարդ (1,4 միլիոն ԱՄՆ դոլար):

Կուտակային կենսաթոշակային համակարգի մասնակից, վերջին տվյալներով, հանդիսանում է ավելի քան 1,4 մլն մարդ։ Դրանցից վճարումներ են ստացել մոտ 4,1 հազար մարդ՝ գրեթե 11,7 մլն լարի (4,5 մլն դոլար)։

 Ավելի մանրամասն՝ սկզբնաղբյուրում։