Ձեր վստահելի աղբյուրը

«Ոչ: Սխալ է պասիվություն ցուցաբերելը: Պետք է մասնակցել ընտրություններին և պայքարել: Պետք է հանրության ուշադրությունը հրավիրեն իշխանությունների սխալների վրա: Չմասնակցելը ոչինչ չի տալու, դրանով ևս իշխանության թեկնածուին լեգիտիմացնում են: Իշխանությունն ունի բազմաթիվ քույր կուսակցություններ, նրանց անունները քիչ առաջ թվարկեցի»,- «Հրապարակ»-ին տված հարցազրույցում ասել է  Երևանի նախկին քաղաքապետ Ալբերտ Բազեյանը՝ խոսելով Երևանի ավագանու առաջիկա ընտությունների մասին  ու պատասխանելով հարցին, որ խորհրդարանական ընդդիմությունը բավականին պասիվ է, այդ պասիվությունը տեղին համարո՞ւմ եք։

Հարց-Իսկ խորհրդարանական ընդդիմությունն ինչո՞ւ է լռում, ինչո՞ւ է որոշել ոչինչ չանել:

Պատասպան-Նիկոլ Փաշինյանն անվերջ հանրությանը վախեցնում է Ռոբերտ Քոչարյանի և Սերժ Սարգսյանի վերադարձով:  Փաշինյանն ասում է` եթե նախկինները վերադառնան, լինելու է կոռուպցիա, ալան-թալանը շարունակվելու է, և մականունավորները գալու են Ազգային ժողով: Իսկ ի՞նչ է կատարվում հիմա: Մի՞թե այսօր չկա կոռուպցիա: Հայաստանում ոչ մի հեղափոխություն էլ տեղի չի ունեցել: Ընդամենը տեղի ունեցավ պարզ իշխանափոխություն, նույնությամբ շարունակվում է կաշառակերությունը, իսկ մականունավորներին փոխարինելու են եկել Նիկոլ Փաշինյանի ընկերներն ու աներձագը: Ծանոթ-բարեկամներին, ընկերներին շարունակում են պաշտոններ նվիրել ու անունը դրել են հեղափոխություն: Իբր տենդերային մրցույթներ են կայանում` մրցույթը շահում են բացառապես իրենց մտերիմները` Գռզո, Արսենյան Գուգո, Լֆիկ Սամո, ու այդպես շարունակ: Գումարներ են մուծում նիկոլականներին եւ հանգիստ շարունակում իրենց աշխատանքը: Հայաստանում ոչինչ չի փոխվել:

Հարցազրույցն ամբոջությամբ՝ սկզբնաղբյուր կայքում։