Ձեր վստահելի աղբյուրը

«Այդ անձը՝ Ավինյանը, բացարձակապես չի հասկանում, թե ինչ է նշանակում Երևան քաղաքի ընտրությունները»,-«Հայելի» ակումբում հայտնեց ՀՀ նախկին ՄԻՊ Լարիսա Ալավերդյանը՝ մեկնաբանելով Ավինյանի հայտարարությունը, թե նա չի պատասխանի Արցախի կարգավիճակի վերաբերյալ հարցին, քանի որ այն չի վերաբերում Երևանի քաղաքապետի ընտրություններին:

Ալավերդյանը բացատրեց, որ Երևանի ընտրությունները նոր օրենքով նախկինը չեն, այլ ամբողջությամբ քաղաքական ընտրություններ են:

«Երբ Երևանում և խոշոր քաղաքներում տեղի է ունենում ընտրություն միայն կուսակցությունների մասնակցությամբ և այդ ցուցակներում ընդգրկված ոչ կուսակցականներով՝ այն ամբողջովին  փոխում է իրավիճկը: Ինքն իրեն զավխոզի տեղ է դրել: Տնտեսական մասի փոխտնօրե՞ն է ինքը»,-հայտնեց Լարիսա Ալավերդյանը՝ կրկնելով, որ ըստ Ընտրական օրենսգրքի նոր փոփոխության, դրանց կարող են մասնակցել միայն քաղաքական կուսակցությունները, այն դեպքում, երբ անհատները և հասարակական կազմակերպությունները առանձին չեն կարող մասնակցել:

Նրա խոսքով՝ անգամ մանկապարտեզում տեղի ունեցող ընտրական հանդիպման ժամանակ քաղաքապետի թեկնածուն պարտավոր է պատասխանել որևէ քաղքական կարևոր գործընթացին վերաբերող հարցերին:

«Իր այդ կմկմալով պատասխանը խոսում է նրա մասին, թե նա քանի՞ գլուխ ունի, որ հակասի օրվա իշխնություններին: Առաջին նա չունի այդ խնդիրը, երկրորդ, նա այս իշխանությունների կարկառուն դեմքերից է»,-ասաց Ալավերդյանը և նշեց, թե նրանց կողմ քվեարկողները իրենց ձայնը տալիս են Հայաստանը Թուրքիայի կցորդ դարձնելուն և Արցախն Ադրբեջանին բռնակցելուն: