Ձեր վստահելի աղբյուրը

«Դեղերով թունավորումները կարող են չափազանց վտանգավոր լինել: Օրինակ` խիստ վտանգավոր են սրտային և ճնշում կարգավորող դեղերը, հակադեպրեսանտները, քնաբերները և ցավազրկող դեղերը: Առանց դեղատոմսի դուրս գրվող շատ դեղեր, ինչպես օրինակ՝ գլխացավի, ճնշումը կարգավորող կամ երկաթ պարունակող դեղերը կարող են ծանր թունավորում առաջացնել»,- զգուշացնում են «Մուրացան» համալսարանական հիվանդանոցային համալիրից։ ·

«Մուրացան» համալսարանական հիվանդանոցի թունաբանության և մանկական վերակենդանացման կլինիկայի ղեկավար Մարինե Գրիգորյանի խոսքով՝ հաճախ է պատահում, որ երեխաները պատահաբար գտնում և ընդունում են անգամ անհասանելի տեղում պահված դեղերը: Նրանք հիմնականում հակված են ուտել քաղցրացված դրաժեները կամ օշարակները և դրանք կարող են ընդունել մեծ քանակներով, որը չափազանց վտանգավոր է: Տհաճ, դառնահամ հաբերը սովորաբար ընդունում են մեկ կամ երկու հաբից ոչ ավելին և շատ հաճախ դուրս են թքում:

Համեմատաբար անվտանգ են հետևյալ դեղերով թունավորումները.
AD-վիտամինները. AD-վիտամինների 25 մլ շշիկով կաթիլների միանվագ ընդունումն անվտանգ է: Տանը մի՛ պահեք վիտամինների մեկ ամսվա անհրաժեշտ պաշարից ավելին:

Ֆտորի հաբեր. եթե երեխան կուլ է տվել մինչև 200 հատ 0,25 մգ-ոց ֆտորի հաբեր` բավական է պարզապես կաթ տալ: Երբեմն կարող է մարսողության թեթևակի խանգարում նկատվել: Ստուգեք, թե արդյոք ֆտորի պարունակությունը դեղահաբերում ավելի մեծ չէ:

Ամբրոքսոլ, ացետիլ ցիստեին, բրոմհեքսին և այլ խորխաբերները վտանգավոր չեն, միչդեռ այլ դեղերի հետ դրանց խառնուրդները (օրինակ` ամբրոքսոլ և բետա ադրենոմիմետիկ) վտանգավոր են:

Հակաբեղմնավորիչները ընդունելը վտանգավոր չէ:

Պետք է հիշել

Դեղերը միշտ պահել փակվող պահարանում:
Սառը տեղում պահվող դեղերը պահեք սառնարանի ամենավերին դարակում:

Խուսափեք դեղերն «անապահով» տեղերում պահելուց, ինչպես օրինակ, պայուսակում, պահարանում կամ զարդասեղանին:

Ազգականները կամ երեխաներին խնամող և հյուր եկած անձինք պետք է իրենց դեղերը  պահեն երեխաներին անհասանելի տեղում:
☑️Հարկավոր է չափազանց ուշադիր լինել, եթե ընտանիքում որևէ մեկը հիվանդ է և դեղեր է օգտագործում:
Միշտ կարդացեք դեղերին կցվող դեղատոմսը` նախքան այն երեխային տալը:

Միշտ պահեք դեղերն իր նախնական տուփով, երբեք մի պահեք տվյալ դեղը մեկ այլ դեղատուփում, քանի որ այդ մասին կարող եք մոռանալ, այնուհետև շփոթել դեղերը:

Երբեք մի՛ վստահեք նույնիսկ լավ փակվող դեղատուփերին:

Խուսափեք երեխայի ներկայությամբ դեղեր ընդունել, քանի որ նա կարող է ձեզ նմանակել և ինքնուրույն խմել դեղը:

Երեխային դեղ տալիս երբեք այն կոնֆետ մի՛ անվանեք:

Մասնագետը հորդորում է՝ եթե երեխան դեղերը է օգտագործել, ապա