Ձեր վստահելի աղբյուրը

Փարիզի քաղաքապետ Անն Իդալգոն Հայաստանում է։ Նա գրառում է արել ու լուսանկար հրապարակել.

«Ես Հայաստանում եմ Փարիզի և այլ համայնքների ընտրյալների հետ։ Ինը ամիս շարունակ Արցախի 120.000 հայ, այդ թվում՝ 30.000 երեխա, մեկուսացված են, քաղցած, զրկված ամեն ինչից։
Այս հումանիտար աղետին բախվելով՝ մենք նրանց շտապ օգնություն ենք ցուցաբերում։ Ժամանակը սպառվում է»,-գրել է Իդալգոն:

Հիշեցնենք, որ Ֆրանսիայից ուղարկված մարդասիրական օգնության շարասյունն  այսօր Երևանից շարժվել է դեպի Կոռնիձոր՝ Հակարիի կարջի մոտ, որպեսզի այնտեղից Լաչինի միջանցքով տեղափոխվի Արցախ։ Փարիզի քաղաքապետն ու գործընկերները ուղեկցում են շարասյունը։

En Arménie, avec des élus parisiens et d'autres collectivités. Depuis neuf mois, 120 000 arméniens d'Artsakh, dont 30 000 enfants, sont isolés, affamés, privés de tout. Face à cette catastrophe humanitaire, nous leur apportons une aide d'urgence. Le temps est compté. pic.twitter.com/wJZHSH7db4

— Anne Hidalgo (@Anne_Hidalgo) August 30, 2023