Ձեր վստահելի աղբյուրը

Սոթքում այսօր ադրբեջանական կրակի հետևանքով չորս զոհ և մեկ վիրավոր ունենք։ Ո՞ր դեպքում է հնարավոր խաղաղություն մեր տարածաշրջանում։ Այս հարցը Panorama.am-ն ուղղեց Երևանի փողոցներում քաղաքացիներին։

Հարցման մասնակից քաղաքացիներից մեկը նախ ցավակցեց զոհվածների ընտանիքներին, ասաց՝ միայն ուժ ներկայացնելով, ոչ թե զիջելով կարող է Հայաստանը վերջ տալ այս իրավիճակին։

Նրանցից շատերը համարում են, որ գործող իշխանության օրոք խաղաղության հասնել հնարավոր չէ, պետք է կառավարությունը փոխվի։

«Չգիտեմ, թող իրենք մտածեն՝ ինչ անեն, արդեն հերիք ամեն օր զոհեր-զոհեր, պետք է էդ հարցին լուծում տրվի»,-վրդովված ասաց քաղաքացին։

«Բոլորից շատ ես եմ մտածում, բայց ես ի՞նչ կարող եմ անել։ Խաղաղության հասնելու համր բանակցություններ պիտի տարվեն, բայց էսօրվա կառավարությունը չի էլ կարողանում բանակցություն վարի՝ ինչպես պետք է։ Իրենց անհապաղ հեռանալ է պետք, որ գոնե ուրիշ կառավարություն նստի, կարողանան ինչ-որ մի հարց լուծել։ Սաղ տալով-տալով, վաղը մեզ էլ են տալու, պրծնեն, գնան։ Հույսեր ունեինք իրենից,բայց ոչինչ չարդարացրեց»,-ասաց հարցման մասնակից մի տղամարդ։

«Առաջինը պիտի հեռանա էն կառավարությունը, որը թույլ է տալիս նման բան, իսկ երկրորդ՝ ժողովուրդը պիտի հասկանա, որ Սոթքը հեռու չի, մոտ է ու էն ինչ-որ լինում է, վաղը լինելու է իրենց տներում, ու ընդհանրապես ամեն մարդ հասկանա, որ էն ինչ-որ պատահում է ուրիշին, նույնը իր հետ կարող է լինել և փորձի իրենց ակտիվ քաղաքական դիրքորոշումը ցույց տալ ու մի քիչ կարեկցեն կողքիններին, միայն իրենց հավեսով ու կայֆերով չապրեն»,-ասաց հարցման մասնակից մի կին։

Մանրամասները՝ տեսանյութում։