Ձեր վստահելի աղբյուրը

«Ռուսաստանի հասեցին ուլտիմատումներով խոսել, իհարկե, կարելի է, ոչ մեկ դա չի արգելում, բայց եկեք առաջին հերթին գնահատական տանք՝ բա Հայաստանը, որը թիվ մեկ պատասխանատուն է  այս հարցի, ի՞նչ են անում ՀՀ իշխանությունները»,- լրագրողների հետ զրույցում ասաց «Հայրենիք» կուսակցության նախագահ Արթուր Վանեցյանը, ով Արցախի Հանրապետության օրվա առիթով այցելեց Երևանում Արցախի Հանրապետության մշտական ներկայացուցչություն:

Նա նշեց. «Տեսում ենք արդեն մի բան, երբ վարչապետի աթոռը զբաղեցնող անձը կասկածի տակ է դնում անկախության հռչակագիրը։ Ասում է՝ Հայաստանը կադաստրի թուղթ չունի, հիմա էլ Անկախության հռչակագիրն է դնում կասկածի տակ։ Այսինքն ուզում է ասի՝ Հայաստան չկա, Հայաստանի երրորդ հանրապետությունը, ըստ Նիկոլ Փաշինյանի, այլևս գոյություն չունի։ Բայց թույլ չենք տալու, պայքարելու ենք մեր երկրի, մեր մեծ հայրենքի՝ Հայաստանի ու Արցախի համար»։