Ձեր վստահելի աղբյուրը

«Բանակցային գործընթաց, որպես այդպիսին, չկա, ուղղակի չկա: Կա պարտադրանք՝ ուղղված Հայաստանին և Արցախին և այդ պարտադրնքին չդիմակայող, կամ այն կատարող դավաճան իշխնություն Հայաստնում, մի քանի օր առաջ այն կար նաև Արցախում»,-Արցախի Հանրապետության ներկայացուցչության դիմաց ասաց քաղաքագետ Հրանտ Մելիք-Շահնազարյանը:

Նա հայտնեց, որ Արցախում սկսել է իրավիճկ փոխվել, դավաճն իշխանությունն սկսել է կզմաքանդվել:

«Դավաճան իշխանության կազմաքանդման գործընթացը սկսել է հենց Արցախից, ինչը շատ խորհրդանշական է և ուրախ եմ, որ այս օրը՝ Սեպտեմբերի 2-ին, այն կարող ենք հստակ արձանագրել»,-նշեց Մելիք-Շահնազարյանը:

Նա հայտնեց, որ բանակցային գործընթացի վերականգման մասին կարող են խոսել այն ժամանակ երբ Հայաստանում ձևավորվի ազգային իշխանություն՝ հստակեցնելով, որ վերջինս չպետք է շանտաժի ենթարկվի և հավատա Արևմուտքի խոստումներին և չի սպասարկի Ալիևի ու Էրդողանի շահերը:

Քաղաքագետը հայտնեց, որ Արցախից այսօր պետք է սպասել Արցախի շահի սպասարկում, և ընդգծեց որ Արայիկ Հարությունյանը որևէ կերպ չեր հակադրվում Հայաստանից Արցախի շահերի դավաճենելու դեպքերին:

«Նա կամ լուռ անցկացնում էր, կամ եթե կար դժգոհություն, ապա այն շատ քողարկված էր, շատ հաճախ նաև, ըստ էության, սպասարկում էր նաև այդ օրակարգը»,-հայտնեց Մելիք -Շահնազարյանը և որպես օրինակ բերեց փաստը, երբ Ստեփանակերտի Վերածննդի հրապարակում Հարությունյանը հայտարարեց, թե կամ պետք է գնան ադրբեջանի հետ բանակցեն, կամ դուրս գան Արցախից:

Քղաքագետը հայտնեց, որ նոր իշխանությունները երկու այդ տարբերակից էլ հրաժարվելու է, որի ակնարկներն արդեն կան և բերեց ԱՀ ԱԺ նախագահ Դավիթ Իշխանյանի հայտարարությունը, որ Ակնայի ճանապարհը պետք է փակ մնա, շարունակելու են պայքարել իրենց ինքնիշխանության համար և Արցախի անվտանգության երաշխավորը Պաշտպանության բանակն է:

«Լիահույս եմ, որ Սամվել Շահրամանյանի՝ նախագահ ընտրվելու դեպքում այս գիծն էլ ավելի կամրապնդվի, Արցախը կսկսի խոսել իր անունից և իր շահերի տեսնկյունից, կհակադրվի նախորդ իշխանությունների դավաճանական այդ մոտեցումներին  և դրանով կբարձրացնի արցախի սուբյեկտայնությոնը»,-ասաց քաղաքագետը և ընդգծեց, որ առաջին անգամ վերջին 30 տարվա ընթացքում Արցախը քաղաքական սուբյեկտ լինելու հնարավորություն է ստացել, որը պայմանավորված է այս դժվար պահով:

Նա հայտարարեց, որ Արցախն ինչքան դիմանում է, այնքան մեծանում է նրա դերը որպես տարածաշրջանային գործոն, վտանգ է ներկայացնում Ալիևյան վարչակազմի համար, քանի որ նրանք չեն կարող ամբողջ աշխարհի աչքի առաջ ցեղասպանության ենթարկել 120 հազար հայությանը: