Ձեր վստահելի աղբյուրը

«Նախագծի ներկայացման անհրաժեշտությունն առաջացել է այն պատճառով, որ վերջին շրջանում ՀՀ-ում կտրուկ ավելացել են նվիրտվությունների գործարքները»,-ԱԺ ֆինանսավարկային և բյուջետային հարցերի մշտական հանձնաժողովում ասաց արդարադատության նախարարի տեղակալ Արա Մկրտչյանը՝ զեկուցելով «Փողերի լվացման և ահաբեկչության ֆինանսավորման դեմ պայքարի մասին» օրենքում փոփոխություն և լրացում կատարելու մասին նախագիծը:

Նվիրատվությունների գործարքների շրջանում փողերի լվացման և  այլ հակաօրինական ռիսկերի կառավարման նպատակով է ներկայցվել նախագիծը

Փոխնախարարն ասաց, որ փոփոխություններով պարտավորություն է սահմանվում այն գերատեսչություններին, որոնք իրականացնում և արձանագրում են նվիրատվության գործարքները, որպեսզի բոլոր նվիրատվության գործարքները պարտադիր ներկայացնեն ԿԲ-ի ֆինանսների դիտարկման կենտորնին:

Նրա խոսքով՝ արդյունքները կհավաքագրվեն մեկ բազայում և մոնիթորինգի արդյունքում ռիսկերն ավելի կառավարելի կդառնան:

«Նվիրատվությունների գործարքների շրջանում փողերի լվացման և  այլ հակաօրինական ռիսկերի կառավարման նպատակով է ներկայցվել նախագիծը»,-ասաց Մկրտչյանը և բերեց վիճկագրություն, ըստ որի՝ եթե 2020թ. Հայաստանում արձանագրվել 8674  նվիրատվություն, ապա  2021 թ.-ին՝  12060, իսկ 2022 թ.-ին՝  15765, երկու տարվա ընթացքում երկու անգամ աճ է գրանցվել: Հնձնաժողվը քվերակությամբ նախագիծն ընդգրկեց օրակարգ: