Ձեր վստահելի աղբյուրը

«Տարբեր հաշվարկներով, Հայաստանի քաղաքացիների միջինը  95 տոկոսը կտրականապես դեմ է, որևէ կերպ չի պատկերացնում, ընդունում, որ Արցախը կարղ է դիտարկվել Ադրբեջանի կազմում», - «Արցախի սեղմվող օղակը» թեմայով քննարկմանն ասաց ՀՀԿ ԳՄ անդամ Արտակ Զաքարյանը։

Նա ընդգծեց, որ սա հենց այն բազային արժեքն է, հենքն է, որի վրա պետք է հայտարարել, որ  նիկոլիզմը պարտված է և այն քաղաքականությունը, որ հիմա վարվում է Արցախի առնչությամբ, հակահայկական, ապազգային, հայ ժողովրդի պատկերացումներին հակասող քաղաքականություն է, այսինքն «Նիկոլը չի արտահայտում Հայաստանի ժողովրդի դիրքորոշումը»։

Ա. Զաքարյանը նշեց, որ քաղաքական իշխանությունն այս օրերին  ինչո՞վ է  զբաղվում, բացի Արցախը հանձնելուց և ոչինչ չանելուց։

«Արայիկ Հարությունյանը  հոգնե՞լ էր Արցախի նախագահ աշխատելուց։ Իհարկե, ոչ։ Եթե հնարավորություն ունենար, անելիք ունենար, հաստատ կշարունակեր, կաշխատեր,  հատկապես, որ այսօր ոչ  մեկին ձեռք չի տալիս նոր ընտրություններ և այլն։ Բայց դա լուծում է, Արցախը հասկացավ, որ ուրիշ լուծում չկա, դա է լուծումը, Արայիկ Հարությունյանը տվեց հրաժարական։

Նույնը  Հայաստանում է լինելու Նիկոլը ուզի- չուզի, նիկոլականները ուզեն-չուզեն, ՔՊ-ն մեծամասնություն է  պառլամենտում, փոքրամասություն է հասարակության մեջ,  արդեն էական չէ, դրանք երկրորդական, երրորդական հարցեր են,  ոչ ստանդարտ իրավիճակում ենք մենք ապրում և այդ իրավիճակում  իշխանափոխությունը տվյալ պարագայում լուծում է, որից հետո  արտաքին, ներքին քաղաքականության առումով կան բազմաթիվ հնարավորություններ։

Այդ հնարավորությունները, եթե Նիկոլը նույնիսկ վաղը սկսի կիրառել, չի ստացվելու իր մոտ»,- ասաց քաղաքական գործիչը։

Ա. Զաքարյանի խոսքով, հասարակության 95 և ավելի տոկոսը, որն ասում է՝ դեմ է Արցախն Ադրբեջանի կազմում տեսնելու որևէ տարբերակի, հենց ասում է, որ դեմ է  Նիկոլ Փաշինյանին։

«Հիմա մնում է դա քաղաքական առումով ռեալիզացնել»,- նշեց ՀՀԿ ԳՄ անդամ Արտա Զաքարյանը։