Ձեր վստահելի աղբյուրը

«Գլոբալ մեծ ցնցումների մեջ ենք հայտնվել և, ցավոք սրտի, մեր «նավապետն» իրավիճակին չի կարողանում տիրապետել, ճիշտ լուծումներ գտնել»,-  «Արցախի սեղմվող օղակը» թեմայով քննարկմանն ասաց միջազգայնագետ Սուրեն Սարգսյանը։

Նա նշեց, դիվանագիտության մեջ հնարավորություններ կան, այսինքն ամենածանր իրավիճակում,  ամենածանր արտաքին և ներքին քաղաքական ցնցումների պայմաններում միշտ լուծումներ գտնել հնարավոր է, բայց  լուծումներ գտնողներն, իրականացնողները  պետք է  համապատասխան կարողություններ, գիտելիք, փորձ ունենան, ինչը, բնականաբար, մեր մասին չէ։

«Այսինքն, այս իշխանության հետ նման  հույս կապել պետք չէ, քանի որ արդեն տեսնել ենք, թե  այդ  կարողությունների բացակությունը մեզ ուր է տարել»,- ասաց Սուրեն Սարգսյանը։

Միջազգայնագետի խոսքով, Արևմուտքը, բնականաբար, այս տարածաշրջանում, այլ տարածաշրջաններում սպասարկում է իր շահերը, իր շահերը պետք է առաջ մղի։

«Բնականաբար, Ռուսաստանն էլ ամեն ինչ անելու է, որպեսզի փորձի տարածաշրջանում մնալ եթե ոչ սառեցված կոնֆլիկտների, ապա  այլ ձևերով»,- ասաց Սուրեն Սարգսյանը։