Ձեր վստահելի աղբյուրը

Հռոմն ու Փարիզը ռուսաստանցիների կողմից ներառվել են աշնանը հանգստի համար ամենապահանջված արտասահմանյան ուղղությունների հնգյակում։ Նախորդ տարվա համեմատ 2023 թվականի աշնանը Հռոմում հյուրանոցների ամրագրումների թիվն աճել է 33,3%-ով, Փարիզում ՝ 31,2%-ով, գրում է ՏԱՍՍ-ը՝ ներկայացնելով ճանապարհորդությունների պլանավորման OneTwoTrip ծառայության հետազոտության արդյունքները։

«Զգալի աճել է Երևանի (45,2%), Բանգկոկի (40%), Հռոմի (33,3%) և Փարիզի (31,2%) պահանջարկը։ Իսկ Մինսկն ու Անթալիան պակաս պահանջված են դարձել, համապատասխանաբար՝ 63,4 և 37,5 տոկոսով», - ասել են փորձագետները։

Ծառայության տվյալներով՝ իտալական Ռիմինի քաղաքում հանգստի պահանջարկը մեկ տարվա ընթացքում աճել է 10 անգամ։ Ընդհանուր առմամբ, արտասահմանյան ուղղությունների շարքում աշնանը առավել մեծ ժողովրդականություն են վայելում Ստամբուլը (բոլոր արտասահմանյան պատվերների 10,2%-ը) և Երևանը (4,5%): Լավագույն հնգյակում են նաև Դուբայը (2,8%), Փարիզը (2,5%) և Հռոմը (2,4%): Պատվերների ևս 2,1%-ը կատարվել է Բանգկոկում, 2%-ը՝ Ռիմինիում, 1,6%-ը՝ Թբիլիսիում, 1,5-ական տոկոսը՝ Մինսկում և Անթալիայում։