Ձեր վստահելի աղբյուրը

«Արցախը և Հայաստանը մեկ ընդհանուր անվտանգային համակարգ են և նրանցից որ մեկը խարխլվում է, ապա անմիջականորեն մյուսն էլ է խարխլվում»,-«Արցախ.» ուր է տանում ընթացքը» խորագրով պանելային քննարկման ժամանակ ասաց նախկին պատգամավոր Գոռ Գևորգյանը:

Նա հայտնեց որ Ադրբեջանի համար Արցախի կարևորությունը դիտարկվում է Սյունիք դուրս գալու և  նրա միջոցով ճանապարհ ապահովելու գործոնով:

Նա ասաց, որ աշխարհում չկա մի երկիր, որ չի հայտնվել նման դժվարին իրավիճակում:

«Բայց կա մի տարբերություն, պարտված երկրեներ կան, որոնք իրենց նախաձեռնած արտաքին քաղաքական գործունեությամբ հենք են դրել վերականգնամ և ուժեղ պետություն դառնալուն, և կան պետություններ, որոնք այդ կարգավիճակից դուրս գալու փոխարեն շարունակել են առաջնորդվել այնպիսի պատրանքային օրակարգով, որն էլ ավելի է բարդացրել ու խորացրել այդ իրավիճակը»,-ասաց Գևորգյանը:

Նրա խոսքով՝ խաղաղության օրակարգն այսօր Հայաստանին սպառնում է ամնեօրյա պատերազմներով:

«Արտաքին քաղաքականությունը չի ենթադրում սիրախաղ, ճակատագրապաշտության հավատք դեպի այս կամ այն ուժային բևեռը, որը կարող է ձեզ մեկնել անհրաժեշտ օգնությունը, այլ մենք պետք է հասկանանք, որ կորցնելով Արցախի հայկականությունը, մենք անմիջականորեն վտանգում ենք ՀՀ անվտանգությունը»,-հայտարարեց Գոռ Գևորգյանը և ասաց որ այդ ճանապարհին եթե անհրաժեշտ է, ապա պետք է փոխել բանակցողին և փորձել բոլոր միջոցները: