![](https://panorama.am/news_images/964/2891402_1/f64f979df0ef0f_64f979df0ef4e.thumb.png)
Միջազգային հանրությունը, ՄԱԿ-ի ԱԽ երկրները պետք է լրջագույն միջոցներ ձեռնարկեն մեր տարածաշրջանում նոր պայթյունը կանխելու համար.Փաշինյան
«Նախորդ շաբաթվա ընթացքում ռազմաքաղաքական իրավիճակը մեր տարածաշրջանում էականորեն սրվել է, պատճառն այն է, որ Ադրբեջանն օրեր շարունակ զորքեր է կուտակում ԼՂ-ի շփման գծի և Հայաստան-Ադրբեջան սահմանագծի երկայնքով»,-կառավարության նիստի մեկնարկին հայտարարեց Նիկոլ Փաշինյանը:
Նա հայտնեց, որ ադրբեջանական մամուլում և քարոզչական հարթակներում ավելի է ահագնացել հակահայկական ատելության հռետորաբանությունը:
«Հայաստանի ինքնիշխան տարածքի նկատմամբ ոտնձգությունների քաղաքականությունն շարունակվում է»,-ասաց Փաշինյանը և անդրադարձավ սեպտեմբերի 1-ն ՀՀ ինքնիշխան տարածքի նկատմամբ Ադրբեջանի գործադրած ռազմական գործողությանը, որի հետևանքով զոհվել են ՀՀ ՊՆ երեք զինծառայող:
Փաշինյանն հավելեց, որ այդ սադրանքին նախորդել և հաջորդել են ՀՀ ԶՈւ կողմից Հայաստան-Ադրբեջան սահմանին հրադադարի ռեժիմի խախտման մասին ադրբեջանական կեղծ լուրերի տարածումը:
«Ադրբեջանը շարունակում է ապօրինի արգելափակված պահել Լաչինի միջանցքը, հումանիտար ճգնաժամը ԼՂ-ում հասել է գագաթնակետին: Ակնհայտ է, որ Ադրբեջանն այս գործողություններով ի ցույց է դնում ընդդեմ ԼՂ-ի և ՀՀ-ի նոր ռազմական սադրանք ձեռնարկելու իր մտադրությունը: Նման սադրանքը հիմնավորելու համար շրջանառության մեջ են դրվում կեղծ և իրականությանը չհամապատասխանող թեզեր: Կարծում եմ, որ իրավիճակն այնպիսին է, որ միջազգային հանրությունը, ՄԱԿ-ի անվտանգության խորհրդի երկրները պետք է լրջագույն միջոցներ ձեռնարկեն մեր տարածաշրջանում նոր պայթյունը կանխելու համար»,-հայտարարեց Նիկոլ Փաշինյանը և վերահաստատեց Հայաստանի նվիրվածությանը խաղաղության օրակարգին:
Հարակից հրապարակումներ`
- Մոտ օրերս Նիկոլ Փաշինյանի դեմ դաժանագույն կոմպրոմատների հրապարակում կլինի.Նաիրա Զոհրաբյան
- Երբ սահմաներին կուտակումներ են, կրկին պաշտպանության նախարարը Հայաստանում չէ. Հայկ Նահապտեյան
- ՀՀ-ում ԵՄ առաքելությունը ոչ մի արտասովոր ռազմական տեղաշարժ կամ կուտակում չի տեսնում
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)