«Հրապարակ». Հիմա էլ պատրաստվում են Նոր Նորքում կոսմետիկ փոփոխություններ կատարել
«Հրապարակ» թերթը գրում է.
«Ընտրություններից առաջ Երևանի քաղաքապետարանը շարունակում է մայրաքաղաքում կոսմետիկ փոփոխություններ իրականացնելը, այս անգամ էլ պատրաստվում են Նոր Նորքում նման աշխատանքներ կատարել, որպեսզի Նոր Նորքի ընտրողներին ևս մատնացույց անելու բան ունենան։
Մասնավորապես, քաղաքապետարանը 249 մլն 179 հազար դրամ է հատկացրել Մասիվում գտնվող Տորք Անգեղի արձանի հարակից տարածքի բարեկարգման համար: Դա կազմում է մոտ 650 հազար դոլար։
Շինարարությունը պետք է իրականացնի «Աս Շին Տրանս» ՍՊԸ-ն, պայմանագիրը ստորագրվել է սեպտեմբերի 4-ին։ Ավելի վաղ՝ մարտ ամսին, Տիգրան Ավինյանն իր էջում տեսանյութ էր հրապարակել, թե ինչ տեսք պետք է ունենա արձանի հարակից տարածքը։ Զարմանալի է, որ շինարարությունը պլանավորել էին վաղուց, բայց ընկերության հետ պայմանագիրը կնքել են միայն նախընտրական քարոզարշավի ժամանակահատվածում։ Նշենք նաև, որ, ըստ պայմանագրի, ընկերությունն աշխատանքները պետք է ավարտի մինչև 2023 թվականի նոյեմբերի 1-ը»։
Մանրամասները թերթի այսօրվա համարում