Ձեր վստահելի աղբյուրը

«Խնդրում եմ տեղեկացնեք վերջին 5 տարիների ընթացքում ծռայողական մեքենաների թվի փոփոխության ինչ միտում եք արձանագրել Հայաստանում»,-ՏԿԵ նախարարի տեղակալ Արմեն Սիմոնյանին հարց ուղղեց «Հայաստան» խմբակցության պատգամավոր Արթուր Խաչատրյանը:

Պատգամավորը պարզաբանեց, որ ցանկանում է իմանալ թե 2018 թվականի և 2022 թվկանի դեկտեմբերի 31-ի դրությամբ քանի ծռայողական մեքենա  է եղել Հայաստանում:

Փոխնախարարը հայտնեց, որ այդ թվերն առկա են կառավարության համապատասխան որոշումներում:

«Կարելի է բացել և նայել: Հիմա այս ամբողջ օրենքի նախագծի իմաստն հետևյալում է, որ լիազորող նորմ սահմանվի, որպեսզի կառավարությունը կարողան միասնական որոշմամբ այդ չափորոշիչները սահմանի: Եթե հստակ կոնկերտ թիվ եք ուզում՝ այս պահին չեմ կարող ասել, բայց եթե կառավարության համապատասխան որոշումը բացեք կկարողանաք ծանոթանալ թվերին»,-պատասխանեց Արմեն Սիմոնյանը:

Արթուր Խաչատրյանն արձագանքեց. «Պարոն Սիմոնյան, թե ինչ կարող եմ անեմ հավատացնում եմ Ձեզ, որ բավականին լավ գիտեմ»:

Փոխնախարարն ընդհատեց՝ ասելով.«Ես հուսով եմ»:

«Հույսերը պահեք ձեզ, դուք այստեղ ԱԺ-ում եք գտնվում, ոչ թե КВН-ում: Պարոն Արշակյան, խնդրում եմ զեկուցողին ասեք մի քիչ հարգանք դրսևորի»,-հայտարարեց Խաչատրյանը:

Նիստը վարող Հակոբ Արշակյանն ասաց, որ իրեն չպետք է ասեն, թե ինքը ինչ անի:

«Ուրեմն ձեր ներկայացուցիչն է, իրեն ասեք, որ ինձ չասի, թե ես ինչ պետք է անեմ: Ես խնդրում եմ առաջինից երկրորդ ընթերցում այդ թվերը բացեք և ներկայացրեք»,-հայտարարեց ընդդիմադիր պատգամավորը:

Հակոբ Արշակյանն էլ կոչ արեց հարց ու պատասխանի ժամանակ կոռեկտություն ցուցաբերել և փոխադրաձ հարգանքի մթնոլորտում անցակացնել քննարկումը: