Ձեր վստահելի աղբյուրը

«Իրականում առաջին զանգերը հենց ՌԴ նախագահին է եղել, որովհետև վերջերս այս իրավիճակի հետ կապված խոսել եմ ՌԴ նախագահի հետ և մյուսների հետ չեմ խոսել»,-«Հարցազրույց» հաղորդաշարի ժամանակ պատասխանելով բացի ՌԴ նախագահից շահագրգիռ և տարածաշրջանի պետությունների բոլոր նախագահների հետ հեռախոսազրույց ունենալու մասին Պետրոս Ղազարյանի հարցին՝ ասաց Նիկոլ Փաշինյանը:

Փաշինյանը հայտնեց, որ զանգերի նպատակը գործընկերներին որոշ նրբությունների մասին տեղեկացնելն է, իսկ ՌԴ նախագահն այդ նրբություններին տեղեկացված է:

«Ես ձեր ուշադրությունը հրավիրեմ նրա վրա, որ Լաչինի միջանցքի ապօրինի արգելափակման և ԼՂ-ում հումանիտար ճգնաժամի իրավիճակը սկսվում է նախորդ տարվա դեկտեմբերից, որից մինչ այս պահը մեկ տասնյակից ավել հեռախոսազրույցներ եմ ունեցել ՌԴ նախագահի հետ, իսկ մյուս գործընկերների հետ նոր իրավիճակի հետ կապված տեղեկություններ կար, որ պետք էր և արժեր կիսել նրանց հետ»,-հայտարարեց Փաշինյանը և հավելեց. «Իսկ այս առումով, ցավոք, մեր վերջին խոսակցությունից ի վեր իրադրությունը չի փոխվել, որպեսզի նոր խոսակցության անհրաժեշտություն լիներ ՌԴ նախագահի հետ: Ըստ անհաժեշտության այդ հեռախոսազրույցները կարող են տեղի ունենալ»: