Ձեր վստահելի աղբյուրը

Աշունը դեպի Հայաստան շրջագայությունների պիկ սեզոն է, սակայն տուրօպերատորներն այս տարի պահանջարկի նկատելի աճ չեն գրանցում։ Փորձագետները կարծում են, որ դա պայմանավորված է արտասահմանյան երկրների նկատմամբ հետաքրքրության ընդհանուր անկմամբ՝ ռուբլու թուլացման պատճառով։ Մասնավորապես, դեպի Հայաստան ուղևորությունների արժեքը նախորդ տարվա համեմատ թանկացել են 30-40%-ով, գրում է RATA-news-ը։

Alean ընկերությունում  պահանջարկը պահպանվում է անցյալ տարվա մակարդակի վրա:

Շրջագայություններն ավելի հաճախ են ամրագրվում, քան պարզապես բնակություն քաղաքային հյուրանոցներում: Աճում է հետաքրքրությունը գինու և գաստրոնոմիական շրջագայությունների նկատմամբ, որոնք համատեղում են այցելությունները պատմաճարտարապետական հուշարձաններ ազգային հայկական խոհանոցի  հետ: Միջին հաշվով զբոսաշրջիկները Հայաստան գալիս են 5-8 օրով, որպես կանոն, ընտրում են 3 կամ 4 աստղանի հյուրանոցներ։

«Մենք նկատեցինք, որ մեկ օրվա համար հյուրանոցների ամրագրումների տեսակարար կշիռն աճել է։ Սա հիմնականում պայմանավորված է յան բանով, որ  զբոսաշրջիկները Երևանը որպես տարանցիկ երկիր են  օգտագործում, երբ մեկնում են այլ երկրներ, որոնց հետ Հայաստանն ուղիղ չվերթներ ունի։ Երևան կարճատր այցով գալիս են նաև բանկային քարտերի թողարկման,  գնումներ կատարելու և անգլերենի միջազգային քննություններ հանձնելու համար», - բացատրել է ընկերության կոմերցիոն տնօրեն Օքսանա Բուլախը։

«Վանդ» ընկերության մասնագիտացված բաժնի մենեջեր Իրինա Մեդվեդևայի խոսքերով, Հայաստան հաճախ են տանում Վրաստանի հետ համակցված շրջագայությունների փաթեթով, երբեմն ավելանում է երրորդ երկիրը՝ Ադրբեջանը։