![](https://panorama.am/news_images/965/2894312_1/f65015511168a1_65015511168e1.thumb.jpg)
Ռուսաստանը Հայաստանի թշնամին չէ և երբեք չի լինի. Զախարովա
Ռուսաստանը Հայաստանի թշնամին չէ և երբեք էլ չի լինի: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան Արևելյան տնտեսական ֆորումի շրջանակներում «Ռիա Նովոստի»-ին տված հարցազրույցում:
«Ոչ թե Ռուսաստանն է ճանաչել Բաքվի իրավունքները Լեռնային Ղարաբաղի նկատմամբ, այլ դա արել է Հայաստանի ղեկավարությունը։ Դա իրենց՝ Հայաստանի ժողովրդի որոշելիքն է, թե ինչպես վերաբերվել դրան։ Սակայն պետք չէ Երևանում կայացված որոշումների համար մեղադրել և պատասխանատվությունը դնել Ռուսաստանի վրա: Պետք չէ ի դեմս Ռուսաստանի թշնամի փնտրել։ Ռուսաստանը երբեք Հայաստանի թշնամին չի եղել և երբեք էլ չի լինի։ Երբեք չի լինի»,- ընդգծել է նա։
Զախարովան նաև հավելել է, որ Մոսկվայի կոշտ արձագանքը Ռուսաստանի մասին Երևանի կտրուկ արտահայտություններին «պայմանավորված է հասկացությունների փոփոխությամբ»:
«Մենք նույնիսկ ուշադրություն չենք դարձնում տոնայնությանը և անձնական վիրավորանքներին, կոպտությանը, այլ այն փաստի վրա, որ դրանք հիմնված էին անճշտության կամ փաստերը փոխարինելու փորձի վրա: Դրա համար էլ դեսպանը հրավիրվել է ԱԳՆ»,- նշել Է Զախարովան։
Նրա խոսքով՝ «եթե արձագանքեն իրենց ուղղված ամենօրյա կոպիտ կոչերին, ապա կարելի է այլևս չաշխատել, այլ միայն բողոքի նոտաներ գրել»։
«Երկրորդ, դա մեր ոճը չէ արձագանքել այդ կոպտությանը։ Պարզապես մեր մեթոդը չէ: Մենք վեր ենք այդ ամենօրյա վիճաբանություններից, բացառության այն դեպքերում, երբ խոսքը սկզբունքային նշանակություն ունեցող հասկացությունների փոխարինման մասին է», - պարզաբանել է նա։
Բացի այդ, Զախարովան նախազգուշացրել է «մեղավորներին գտնելու գայթակղության» վտանգի մասին, երբ «ինչ-որ բան չի ստացվում կամ սխալ է ընթանում»: «Դա կարող է հանգեցնել աղետալի հետևանքների, ինչը վտանգավոր է Հայաստանի համար»,- ասել է նա։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան