Ձեր վստահելի աղբյուրը

«Արդյո՞ք մենք դեմ ենք Հորադիզ-Մեղրի-Օրդուբադ-Երասխ երկաթուղու վերաբացմանը, ոչ՝ դեմք չենք, ընդհակառակը կողմ ենք դրան և կարծում եմ, որ այն Հայաստանի համար շատ կարևոր նախագիծ է»,-ԱԺ-կառավարություն հարցուպատասախանի ժամանակ հայտարարեց  Նիկոլ Փաշինյանը:

Նա հավելեց, որ իրենք կողմ են նաև տարածաշրջանի ճանապարհների բացմանը:

«Կողմ ենք, որ ինչպես  Ադրբեջանը և Թուրքիան Հայաստանի տարածքով,  այնպես էլ Նախիջևանը և Ադրբեջանի արևմտյան շրջաններն Հայաստանի տարածքով հաղորդակցվեն»,-ասաց նա:

Փաշինյանը հայտնեց, որ շահագրգռված են, որ Հայաստանի տարածքով անցնեն տարածաշրջանային գազամուղեր, նավթամուղեր և էլէկտրական հաղորդման գծեր, բայց դրանք պետք է լինի ՀՀ և այլ երկրների ինքնիշխանության և իրավազորության սահմաններում:

«Մեզ համար անընդունելի է ՀՀ-ի ինքնիշխանությունը, կամ իրավազորությունը որևէ կերպ կասկածի տակ դնող որևէ հայտարարություն: Դրանք ոչ միայն անընդունելի են այլև մեզ համար կարմիր գծեր են»,-ասաց Փաշինյանը և կրկին վերահստատեց, որ եռակողմ պայմանագրով սուվերենության սահմանափակմամբ միջանցք սահմանված է միայն Լաչինի համար:

«Ադրբեջանի որոշ շրջանակներ, հասկանալով միջանցք բառի զգայունությունը, եռակողմ համաձայնության կոնտեքստում օգտագործում են սխալ կոնտեքստներ և Հայաստանի տարածքային ամբողջականության նկատմամբ նկրտումներ ձևավորելու համար: Այդ իմաստով այն մեզ համար ոչ միայն անընդունելի է այլև կարմիր գիծ է»,-հայտարրեց Փաշինյանը և հավելեց. «Առանց չափազանցության կարող ենք հենց վաղն այդ կոմունիկացիաների բացման ուղղությամբ աշխատանքներ սկսել»:

Նա նաև տեղեկացրեց, որ երկար ժամանակ կառավարության օրակարգում շրջանառվում է մի նախագիծ՝ Հայաստան-Ադրբեջան սահմանին երեք անցակետ բացելու վերաբերյալ, որոնցից մեկը Նախիջևանի, երկուս Ադրբեջանի արևմտյան սահմանին: