Ձեր վստահելի աղբյուրը

«Հրապարակ» թերթը գրում է.

«Ազգային ժողովում դարձյալ վերանորոգումների շրջան է, հիմնովին «ռեմոնտ» է արվել և նորագույն սարքավորմամբ համալրվել պետաիրավական հարցերի մշտական հանձնաժողովի նիստերի դահլիճը: Եվս երեք նման դահլիճ պետք է նորոգվի, որոնք ծառայում են մշտական հանձնաժողովներին, այստեղ են նիստերն անցկացվում։ Նորացվել է նաև գույքը։

ԱԺ-ից տեղեկացանք, որ դահլիճների վերանորոգման և կահավորման աշխատանքներն իրականացվել և իրականացվելու են 2023 թվականի բյուջետային միջոցներով՝ ընթացիկ նորոգումների համար նախատեսված հատկացումներով, մեկ դահլիճի կահավորման և վերանորոգման համար ծախսվել է 5 մլն 345 հազար դրամ, ենթադրվում է՝ մյուս երեքի համար էլ գրեթե նույնքան գումար կծախսվի, իսկ թվայնացումն իրականացվել է ՄԱԿ-ի զարգացման ծրագրի կողմից։ Խոսքը մասնավորապես դահլիճների համակարգիչների, էկրանների, կոնֆերանս-համակարգերի, խոսափողների, սերվերների և տեսախցիկների ու դրանց ավտոմատ կառավարման համակարգերի մասին է։

Նշենք, որ եթե նախկինում այս սենյակներում ընդամենը մեկ ֆիքսված տեսախցիկ էր աշխատում՝ ապահովելով նիստերի ուղիղ հեռարձակումը՝ ընդհանուր կադրով, ապա այժմ՝ նոր թվայնացումից հետո, երեք տեսախցիկ է աշխատում և ելույթ ունեցող պատգամավորներին ցուցադրում է կադրում»։

Մանրամասները թերթի այսօրվա համարում