Ձեր վստահելի աղբյուրը

«Ռազմաուսումնական հաստատությունների առաջին կուրսի կուրսանտի ամսական դրամական ապահովության չափը կազմում է 15 հազար դրամ, երկրորդ կուրսի կուրսանտինը՝ 20 հազար դրամ, երրորդինը՝ 25 հազար դրամ, չորրորդինը՝ 30 հազար դրամ, հինգերորդ և բարձր կուրսի կուրսանտինը՝ 35 հազար դրամ»,-կառավարության նիստում հայտնեց պաշտպանության նախարար Սուրեն Պապիկյանը:

Նրա խոսքով՝միջին որակավորման գնահատականի հիման վրա սահմանվելու են նաև գործակիցներ, ըստ որի 60-70,9% ՄՈԳ-ի դեպքում սահմանվում է 3 գործակից, 71-ից մինչև 79,9%-ի դեպքում՝ 4 գործակից, 80 %-ի և բարձրի դեպքում՝ 5 գործակից:

«Այսինքն՝ առաջին կուրսում գործակիցների ՄՈԳ-ի պարագայում ունենալու ենք հետևյալը. առաջին կուրսի կուրսանտը կարող է ստանալ 45-ից մինչև 75 հազար դրամ, տարբեր առաջադիմությունների դեպքում, այսինքն բազմապատկում ենք 3-ով՝ 45, 60, 75 հազար:Երկրորդ կուրսում դա լինելու է 60, 80, 100 հազար, երրորդ կուրսում՝  75, 100, 125 հազար, չորրորդում  կուրսում՝ 90, 120, 150 հազար և հինգերորդ և բարձր կուրսում՝ 105,140, 170 հազար»,-հայտնեց Պապիկյանը:

Նախարարը տեղեկացրեց, որ Մոնթե Մելքոնյանի անվան ռազմամարզական վարժարանի սաների կրթաթոշակները կսահմանվեն ամսական 15, 30 և 45 հազար դրամ: