Իրանի պատգամավորը նախազգուշացրել է Իլհամ Ալիևին

Քաղաքական 16:42 15/09/2023 Տարածաշրջան

Իրանի պատգամավորը նախազգուշացրել է Իլհամ Ալիևին

Իրանի Իսլամական խորհրդարանի Ազգային անվտանգության և արտաքին քաղաքականության հանձնաժողովի անդամ Յաղուբ Ռեզազադեն, «Ջամարան» կայքին տված հարցազրույցում, անդրադառնալով Հայաստանի և Ադրբեջանի նկատմամբ Իրանի դիրքորոշմանն ասել է, որ «եթե Ալիևը ցանկանա ռազմական գործողություն իրականացնել, մենք դրան 10 անգամ կհակազդենք», հայտնում է ParsToday-ը։

Ռեզազադեն հավելել է. «Եթե Ադրբեջանը ցանկանա Իրանի սահմաններին աշխարհաքաղաքական փոփոխություն իրականացնել և ձևավորել միջանցք, որը հայկական տարածքից մուտք կապահովի Նախիջևան, դա կհամարվի ՀՀ ինքնիշխանության խախտում և աշխարհաքաղաքական սահմանների փոփոխություն»:

Նա նշել է, որ Իրանը որևէ կերպ չեն ընդունի աշխարհաքաղաքական և քաղաքական սահմանների փոփոխություն։

«Եւ միանշանակ տեղեկացնում ենք Իլհամ Ալիևին, այս հարցը չբարձրացնել, բարեկամ ձևացող երկրների, ինչպես նաև Սիոնսիտական ռեժիմի վարած քաղաքականությանը համահունչ: Քանի որ մենք նման բան թույլ չենք տա: Եթե նա ցանկանա դիմել ռազմական գործողության, մենք ի վիճակի ենք 24 ժամվա ընթացքում տասն անգամ հակադարձել այդ ռազմական գործողությանը։ Ուստի նա չպետք է անտեղի սպանի իր զինվորներին»,- ասել է նա։

Իրանի Իսլամական խորհրդարանի Ազգային անվտանգության և արտաքին քաղաքականության հանձնաժողովի անդամը նշել է. «Ներկայումս Իրանի ռազմական և քաղաքական պատվիրակությունները բանակցում են Ադրբեջանի հետ: Սակայն որպես Իրանի հյուսիս-արևմուտքի ժողովրդի ներկայացուցիչներից մեկը և նաև որպես Իրանի ժողովրդի ծառա, ես խորհուրդ եմ տալիս Իլհամ Ալիևին իր թշնամիների կամ ընկերների փտած պարանի հույսով ջրհորը չմտնել: Հակառակ դեպքում նա չի կարող դուրս գալ այս հորձանուտից»:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: